Ayan Babakişiyeva ana olduqdan sonra arıqladı

Müğənni Ayan Babakişiyeva yeni fotolar çəkdirib. Yeni ana olmasına baxmayaraq sənətçi ideal bədən quruluşu ilə diqqət çəkib. 

   Müğənni Ayan Babakişiyeva yeni fotolar çəkdirib. Yeni ana olmasına baxmayaraq sənətçi ideal bədən quruluşu ilə diqqət çəkib. Saç rəngini də dəyişən Ayan sənətə qayıtmağa hazırlaşdığını bildirib. Ayan Babakişiyeva pəhriz saxladığını, artıq çəkidən xilas olmaq üçün ac qaldığını söyləyib.

   Ötən gün müğənni İradə İbrahimova doğum gününü qeyd edib. Iradə öncə əməkdar artist, balaban ifaçısı Əlixan Səmədovun nikah mərasiminə qatılıb. İ.İbrahimovanın özəl gününə sürpriz hazırlayan balaban ifaçısı qonaqlarına əsl bayram əhval-ruhiyyəsi yaşadıb. Gecədə İradə İbrahimovanın şərəfinə tort sifariş edilib, ona hədiyyələr verilib. Nikah mərasimində tanınmışlardan İradə İbrahimovanın bacısı, vizajist Nigar İbrahimova, aktrisa Məlahət Abbasova, müğənni Günel Zeynalova da iştirak edib. Xatırladaq ki, Əlixan Səmədov Ellada adlı azərbaycanlı xanımla ailə qurub. Bu onun ikinci evliliyidir.

   Qalmaqallı “Biletini alma” mahnısından sonra müğənni Ramal İsrafilov yeni bəstəsini təqdim edib. Mahnının adı isə “Leyla”dır. Ritmik mahnının musiqisi ifaçının özünə məxsusdur.

    Müğənni-bəstəkar Kərim Abbasov maraqlı bacarığını üzə çıxarıb. Bu haqda SİA-ya danışan sənətçi görkəmindən də söz açıb: “Şou-biznes nümayəndələri səhnədə olduqları üçün hər zaman özlərinə baxımlı olmalıdır. Çünki bizi efirlərdən bir çoxları izləyir. Mənə də hər dəfə sual verirlər ki, stilistim kimdir? Artıq 6 ildir ki, imicim üzərində özüm işləyirəm. Hətta əksər saç ustalarına etibar etməyib, saçlarımı da özüm düzəldirəm. Geyimlərimi də xanımımla birlikdə seçirik. Bir sözlə, stilistə ehtiyacım yoxdur”.

 

Sevda Məmmədova

 

Muz-Tv.az