Leonid Aqutin səhnəyə həyat yoldaşı olmadan çıxdı

Aprelin 4-də paytaxtımız daha bir əcnəbi qonağın konsertinə şahid olub. Bu dəfə Rusiyanın populyar müğənnisi Leonid Aqutin Heydər Əliyev Sarayındakı çıxışı ilə...

   Aprelin 4-də paytaxtımız daha bir əcnəbi qonağın konsertinə şahid olub. Bu dəfə Rusiyanın populyar müğənnisi Leonid Aqutin Heydər Əliyev Sarayındakı çıxışı ilə musiqisevərlərə gözəl gecə bəxş edib.

Uzun müddətdir hər kəsin səbirsizliklə gözlədiyi konsertdə əsl izdiham yaşanıb. Səhnəyə alqış sədaları altında təşrif buyuran müğənni dərhal musiqiyə söz verib.

   Gecədə əvvəlcədən elan edildiyi kimi, Aqutinin həyat yoldaşı Anjelika Varumun olmaması diqqət çəkib. Elə tamaşaçıları salamlayan müğənni də məhz bu hala aydındlıq gətirib. Sən demə, sənətçinin həyat yoldaşı qəzaya uğrayıb.

Tamaşaçılara anlayışından dolayı təşəkkür edən ifaçı daha sonra ən hit mahnılarını bir-birinin ardınca səsləndirməyə başlayıb.

   Qeyd edək ki, daim əcnəbi qonaqlara ev sahibliyi edən Heydər Əliyev Sarayında aprelin 5-də isə Mustafa Sandal paytaxt sakinlərinə unudulmaz gecə yaşatmağa hazırlaşır.

 

Sahilə Aslanova

Vüsal Həşimov

 

Muz-Tv.az