Adriana Lima xəyanətə uğradı

Bir reklamda rol almaq üçün Türkiyəyə gələn top model Adriana Limanın otel otağından çölə çıxmadığı bildirilir. 

    Bir reklamda rol almaq üçün Türkiyəyə gələn top model Adriana Limanın otel otağından çölə çıxmadığı bildirilir. İstanbula gələn kimi, yaxta ilə dəniz səyahətinə çıxan ulduz daha sonra bir neçə gün onunçün ayrılan otaqda qalıb. Bir neçə dostundan başqa heç kimlə görüşməyən Adriana 4 gün ərzində qatıq və qaymaqdan başqa heç nə yeməyib. Olduqca kədərli görünən modelin həyat yoldaşının ona iki dəfə xəyanət etdiyinə görə boşanmaq haqqında fikirləşdiyini söylədiyi bildirilir. Hətta Markonun başqa qadınlardan da övladlarının olduğunu düşünən Limanın Mayamiyə qayıdan kimi onunla danışıb bu işi bitirəcəyi iddia edilib.

    Bəstəkar və müğənni Mustafa Ceceli mayda çıxaracağı albom üçün gecə-gündüz çalışır. Bundan başqa, heyranlarının qarşısına gözəl formada çıxmaq istəyən ifaçı arıqlamaq üçün də ciddi cəhd edir. Pəhriz proqramı ilə qidalanan Mustafa gününün çox hissəsini idman zallarında keçirir. “Əvvəllər idmanın yalnız qadınlara məxsus bir şey olduğunu fikirləşirdim. Amma indi bunun çox faydasını görürəm. Şirniyyatı qida rasionumdan çıxartmışam. Bu,mənə çox kömək oldu” –deyə müğənni məsələyə münasibət bildirib.

    Tez-tez Türkiyəyə səfər edən Keyt Moss indi də orda ev almaq eşqinə düşüb.  Sonuncu dəfə keçən həftə Bodrumdakı detoks mərkəzinə gedən və dörd aydan bir ora baş çəkməyi planlaşdıran model bahalı qəsəbələrdən birində özünə lüks ev seçib. Artıq ilkin müqavilə bağlamış Keyt, mənzilə sahib olmaq üçün bir milyon beş yüz min dollarından keçməli olacaq.

    Amerikalı müğənni Beyonsun pərəstişkarları onu məhkəməyə verib. Rakel Kastellanos və Qabriella Devidson bununla bağlı verdikləri açıqlamada bildiriblər ki, keçən ilin dekabrında  müğənninin Çikaqodakı konsertində ayaq altında qalıblar. Belə ki, ön sıraya bilet almalarına və  düz qapının ağzında dayanmalarına baxmayaraq, qapılar açılanda arxadakı kütlə onları yıxaraq önə keçib. Nəticədə  hər iki qız  xəstəxanalıq olub. Zərərçəkənlər, baş verənlərdə konsertin təşkilatçılarını və Beyonsu günahlandırır. Qızların, zərərləri qarşılığında müğənnidən tələb etdikləri kompensasiyanın məbləği isə açıqlanmır.

 

Sahilə Aslanova

 

Muz-Tv.az