Mustafa Sandal hər kəsi “Təsir altında” saxladı

Daha bir türkiyəli ifaçı şəhərimizin qonağı olub. Bu şəxs isə 2ildir ard-arda “O səs Türkiyə” musiqi yarışmasında jüri kürsüsündə əyləşən Mustafa Sandaldan...

    Daha bir türkiyəli ifaçı şəhərimizin qonağı olub. Bu şəxs isə 2ildir ard-arda “O səs Türkiyə” musiqi yarışmasında jüri kürsüsündə əyləşən Mustafa Sandaldan başqası deyil.Heydər Əliyev Sarayında reallaşan konsertdə böyük çoşqu yaşanıb. Türkiyədən gətirdiyi ansamblın müşayiəti ilə canlı ifalarını bir-birinə calayan Mustafa Sandalın konserti 2 hissədən ibarət olub.  19 il əvvəl Bakıda gəldiyini deyən sənətçi  illər sonra yenidən azərbaycanlı tamaşaçılarının qarşısında olmaqdan böyük qürur duyduğunu söyləyib. Müğənni ifaları ilə yanaşı, zarafatları ilə də tamaşaçıları əyləndirə bilib. Mahnılar arasında kiçik mövzular haqqında söz açan Mustafa repertuarında yer alan ən sevilən bəstələri səsləndirib. O, səhnənin önündə şəkillərini çəkən fotoqrafı yanına dəvət edərək bütün zalın da görüntüsünün yer aldığı maraqlı foto çəkdirib. Mustafa Sandal ona məşhurluq gətirən və bir vaxtlar hər kəsin sevimlisinə çevrilən “Araba” mahnısını səsləndirib.
    Xatırladaq ki, daha bir türkiyəli müğənni  Bakıda konsert verəcək. İfaçı Gülşən mayın 25-də Heydər Əliyev Sarayında sevənlərinin qarşısına çıxacaq. 

 

Sərvər Mehdiyev

Elfaq Lələyev

 

Muz-Tv.az