Röya yenə iddialı danışdı

Müğənni Röya Ayxan yenə də iddialı açıqlamaları ilə diqqət mərkəzinə gəlib. 

    Müğənni Röya Ayxan yenə də iddialı açıqlamaları ilə diqqət mərkəzinə gəlib. Axşam.az-ın məlumatına görə,  sənətçi müsahibəsində Moskvada baş tutacaq konsertindən danışaraq özünü birinci adlandırıb: “Bundan əvvəl “Crocus City Hall”da konsertim olmuşdu. O mənim üçün sadəcə məşq idi. Nəyəsə birdən nail olmağı xoşlamıram. İstəklərimi yavaş-yavaş əldə edirəm. Əgər arzularına sürətli şəkildə çatırsansa, onu tez itirirsən. Bu səbəbdən indi çox güclüyəm. Kreml sarayındakı konsertin də öhdəsindən gələcəyimə əminəm. Deyirlər həmin zal çox böyük və soyuqdur. Tamaşaçılarımın hamısını orada gözləyirəm ki, nəfəsləri, sevgiləri ilə gəlib məni isitsinlər. Moskvaya dörd gün əvvəlcədən gedəcəyəm. Məşqlərin əsas hissəsi burada aparılıb”.  Qeyd edək ki, Röyanın Kreml Sarayındakı konserti aprelin 18-də baş tutacaq.

    Xalq artisti Aygün Kazımova saç düzümündə dəyişiklik edib. Müğənni saçlarını qısa kəsdirib. Yeni fotolarını İnstaqram səhifəsində paylaşan ifaçı bunları qeyd edib: “Bir il eyni imicdə qalmaq mənim üçün çox çətindi. Albom çıxdı, saçlarımı kəsdirdim”.

    Əməkdar artist Tünzalə Ağayeva “Get” adlı yeni mahnı bəstələyib. Müğənni mahnının sözlərinin yazıçı-publisist Rəşad Məcidə məxsus olduğunu bildirib: “Uzun müddətdir Rəşad müəllimə söz vermişdim ki, onun şeirlərindən birinə mahnı bəstələyəcəm. Nəhayət, bəstəm hazırdır. Mahnı “Get” adlanır. Lirikadır və vokal tələb edir. Çoxdandır bu ağırlıqda, vokal mahiyyətli mahnı hazırlamamışdım. Hələlik bu bəstəyə görə tamaşaçıları intizarda saxlayacağam. Mahnı payızda təqdim olunacaq. Yaz-yay fəsillərində ritmik mahnılar təqdim etməyi düşünürəm”.

    Müğənni Yaşar Yusub “Sən deyilsən” adlı mahnısına çəkdirdiyi klipi təqdim edib. Sözləri və musiqisi Tural Bayraməliyevə aid bəstəyə çəkilmiş ekran işinin rejissoru Xavər Ramazanovadır. Klip Qobustanda çəkilib.

 

Sahilə Aslanova

 

Muz-Tv.az