Aygün Kazımova ilə Ramal İsrafilov barışdı

Mərasimlərdən birində iştirak edən xalq artisti Aygün Kazımova ilə müğənni Ramal İsrafilov barışıb. Lent.az-ın məlumatına görə, müğənni gecədə “Biletini alma” 

   Mərasimlərdən birində iştirak edən xalq artisti Aygün Kazımova ilə müğənni Ramal İsrafilov barışıb. Lent.az-ın məlumatına görə, müğənni gecədə “Biletini alma” mahnısını ifa edərkən xalq artistinin masasına yaxınlaşaraq, ona gül dəstəsi verib. Kazımovanın əlini öpən Ramal onu rəqsə dəvət edib. Bundan sonra isə Hakan və Leyli də onlarla birgə “Biletini alma” mahnısının sədaları altında rəqs ediblər. Aygün Kazımova Ramalın bu jestini cavabsız qoymayıb. O, “bağışladım” deyərək, arada olan küsülülüyə son qoyub. Toy bitəndən sonra isə Ramal yenidən xalq artistinə yaxınlaşaraq şəkillər çəkdirib və aprelin 14-də keçiriləcək toyunun dəvətnaməsini ona verib.

   Xalq artisti Brilliant  Dadaşovadan xəbər var. Sənətçi yenicə ailə quran balaban ustası Əlixan Səmədovla birgə Türkiyənin “TRT” kanalının “Yeni gün” proqramında qonaq olub. Xalq artisti proqramda çıxışı zamanı türklərin anonim kimi  "Mavi boncuk" adıyla təqdim etdikləri "Qal sənə qurban"  mahnısını Azərbaycan dilində ifa edib. Daha sonra bu bəstə barədə tamaşaçıları məlumatlandırıb.

   Əməkdar artist Elza Seyidcahana Türkiyə səfəri zamanı sürpriz ediblər. Axşam.az-ın məlumatına görə, müğənniyə “Hürrəm Sultan” libası hədiyyə edilib. Bu haqda ifaçı özü deyib: “Amasra şəhərində olanda çoxlu hədiyyələr aldım. Onların arasında bu libas da vardı. Həmin geyimdən millət vəkili Qənirə Paşayevaya da bağışlayıblar. “Hürrəm Sultan”nın paltarlarına bənzəyir. Onu ilk dəfə Bakıda Türkiyə səfirliyinin keçirdiyi tədbirdə geyinmişdim. Hamı libasa heyran qalmışdı. Modelyer Fəxriyyə Xələfova da geyimimə təriflər yağdırmışdı”.

    Müğənni Elton Hüseynəliyev və Samir Piriyev aralarındakı küsülülüyə son qoyub.  Elton müsahibəsində həmkarını incidəcək ağır söz demədiyini bildirib: “Samiri tənqid etdiyim kimi, o sözləri özüm üçün də dedim. İlin sonunda baxarıq görək kim daha çox işləyib”. Samir isə Eltonla aralarındakı barışığı belə izah edib: “Küsülü deyilik. Hətta Elvin Abdullayevin toyunda salamlaşıb, görüşdük. Münasibətimiz yaxşıdır. Mənə çox çirk atan olub”.  Xatırladaq ki, Samir Piriyevlə Elton Hüseynəliyev arasındakı söz-söhbətə səbəb sənətçinin bir radio şousunda dediyi bu sözlər olmuşdu: “Samir Piriyev yaxşı ifaçıdır, ona böyük hörmətim var. Amma bəyəndiyim mahnıları yoxdur. İfa etdiyi bəstələr uğursuzdur. Samirin bir dənə mahnısı yoxdur ki, dinləyəsən".

 

Sahilə Aslanova

 

Muz-Tv.az