Məşhur cütlük toy tarixini təxirə saldı

Aktrisa sevgilisi Beren Saatla aprelin 20-də evlənməyə hazırlaşan məşhur müğənni Kənan Doğulu son anda toy tarixini dəyişdirib. 

    Aktrisa sevgilisi Beren Saatla aprelin 20-də evlənməyə hazırlaşan məşhur müğənni Kənan Doğulu son anda toy tarixini dəyişdirib. Müğənninin bacısı Cananın iyunun 20-də nikah masasına əyləşməyə qərar verməsi buna səbəb olub. Ard-arda iki toy mərasimini reallaşdırmağın çətin olacağını düşünən Doğulu Berenlə danışaraq sırasını bacısına ötürüb. Cütlüyün Canan Doğulu evləndikdən sonra ailə quracağı bildirilib.

    Gənc qızların sevimlisi olan Castin Biber çox bahalı bir hədiyyə alıb. Belə ki, 45 yaşlı repçi və prodüser Birdman müğənniyə 2 milyon avroluq “Bugatti Veyron” bağışlayıb. Biber artıq yeni oyuncağının fotosunu İnstaqramda yerləşdirib və şəklin altına “Mənim ilk “Bugatti”-m” yazıb. Bu cür alicənab jestin səbəbi isə açıqlanmır.

    Məşhur müğənni Gökhan Özən iki ay əvvəl qızı Hiranı dünyaya gətirən Demet Akalına doğum hədiyyəsi olaraq bir mahnı verib. Çox xoşbəxt olan ulduz sözügedən “Yeminim var” adlı əsəri yeni albomuna daxil edib. Qeyd edək ki, Demet Akalın musiqi  toplunu doğum günündə - 23 aprel tarixində təqdim etməyə hazırlaşır.

     Beyons “OUT” jurnalı üçün cazibədar sarışın qadın obrazı canlandırıb. Fotosessiya ağ-qara tonlarda baş tutub. Beyons çəkiliş zamanı 2014-cü ilin dəbdə olan libaslarını geyinib və jurnala müsahibə də verib. Ulduz reportajında tezliklə yeni albom çıxarmağa hazırlaşdığını qeyd edib. Həmçinin Beyons ruhən ona yaxın olan feminizm  və qadın cazibədarlığı haqqında da danışıb.

 

Sahilə Aslanova

 

Muz-Tv.az