Nazpəri İlhamə haqqında: “Qarşısında ikiqat olub baş əymədim”

Xalq artisti Nazpəri Dostəliyeva həmkarı İlhamə Quliyeva ilə aralarındakı məhkəmə prosesindən danışıb.  

    Xalq artisti Nazpəri Dostəliyeva həmkarı İlhamə Quliyeva ilə aralarındakı məhkəmə prosesindən danışıb.  Axşam.az-ın məlumatına görə, müğənni qalmaqalla bağlı suallara belə cavab verib: “Məhkəməyə müraciət edən mən olmamışam. Hər zaman mənəm-mənəm deyib, nəyəsə arxayın olub, çox müğənni ilə məhkəmə dili ilə danışan o olub. Məndən xoşu gəlmədi, çünki onun verdiyi titulun altına imza atmadım, qarşısında ikiqat olub baş əymədim. Mən o adam deyiləm. Nə edim ki, bu cür yaranmışam”.

    Müğənni Zamiq Hüseynov Röya ilə dostluqlarına zərər vurmaq istəyənlərin olduğunu deyib. “Dünən İnstaqramda Röya ilə şəkil paylaşdıq. Bir nəfər altında “Gündə dava edirsiniz, indi mehribansınız. Səni satanların yanındasan” şərhini yazmışdı. Araşdırdıq, məlum oldu ki, bu tanış müğənnilərdən biridir. Röya ilə mənim aramı vurmaq istəyirdi” deyə Zamiq bildirib.

    Əməkdar artist Elza Seyidcahan yeni layihələrini Türkiyədə həyata keçirmək istədiyini bildirib. Müğənni layihələrin artıq hazır olduğunu, amma oğlunun toyuna qədər bütün yaradıcı işlərini təxirə salacağını deyib:  “Övladlarıma, əsasən də oğluma söz vermişəm ki, toy gününə qədər evdə olacağam. Heç bir xarici səfərə getməyəcəm. Toyda yaxşı iştirak etmək, yorğun görünməmək üçün hələlik işləmirəm. Toyu yola verəndən sonra Türkiyə ilə bağlı layihələrimi gerçəkləşdirəcəyəm”. Qeyd edək ki, Elza Seyidcahanın oğlu Əkbər aprelin 21-də nikah masasına oturacaq.

    Müğənni Rəqsanə İsmayılova sosial şəbəkədə maraqlı fotolarını paylaşıb. Hazırda Moskvada olan sənətçi avtomobilin üstündə şəkillər çəkdirib. "Audi" markalı maşının üstünə çıxan Rəqsanənin saç düzümünü dəyişdiyi də diqqət çəkib. Bir müddət əvvəl saçlarını qısaldan ifaçı onları yenidən uzadıb.

 

Sahilə Aslanova

 

Muz-Tv.az