Maykl Ceksonun yeni mahnısı işıq üzü gördü

İnternetdə Maykl Ceksonun “XScape” adlı yeni albomuna daxil edilən eyniadlı mahnısının təqdimatı baş tutub. 

   İnternetdə Maykl Ceksonun “XScape” adlı yeni albomuna daxil edilən eyniadlı mahnısının təqdimatı baş tutub. Ulduzun ölümündən sonra yayımlanan ikinci musiqi toplusu mayın 13-də işıq üzü görəcək. Treklistə 8 kompozisiya daxildir. Albomun deluks versiyaya isə daha bir neçə mahnı əlavə ediləcək.

   Məşhur Hollivud ulduzu Cessika Alba “Elle China” jurnalının üz qabığında yer alıb.  Aktrisa həcmli saçlar, qırmızı pomada və qətiyyətli baxışları ilə maraqlı obraz canlandırıb. Xatırladaq ki, 32 yaşlı ulduz son zamanlar daha çox xeyriyyəçilik tədbirləri ilə öndədir. Bundan əlavə, o, 2 qızının tərbiyəsi ilə də məşğuldur.

   Amerikanın məşhur aktrisası Şeron Stounun Braziliyada xəstəxanalardan birinə müraciət etməli olub. Belə ki, xeyriyyə konsertində iştirak etmək üçün San Paulo şəhərinə gedən ulduz kəskin yoluxucu xəstəliyə tutulduğu üçün həkimdən məsləhət almalı olub.  Aktrisa oraya bir sıra qorxulu yoluxucu xəstəliklərə tutulan insanlara yardım məqsədilə keçirilən konsertə dəstək olmaq üçün gedib.

   "Kara Para Aşk" serialının baş rol ifaçıları Tuba Büyüküstün və Engin Akyürək  çəkilişlər arasında verilən fasilədə  bir yerdə nahar edərkən fotokameralara tuş gəliblər. Daha sonra Tuba, 20 metr aralıda yerləşən  çəkiliş meydançasına getmək üçün taksi çağırıb. Gözəl aktrisa müxbirlərin suallarını isə cavabsız qoyub.

 

Sahilə Aslanova

 

Muz-Tv.az