Monika Belluççi Domeniko Dolçenin obyektivində

Monika Belluççi “Dolce&Gabbana” dizaynerlərinin ilham pərisi olmaqda davam edir. Bu dəfə gözəl italiyalı xanım brendin yeni dodaq boyasını tanıdıb...

     Monika Belluççi “Dolce&Gabbana” dizaynerlərinin ilham pərisi olmaqda davam edir. Bu dəfə gözəl italiyalı xanım brendin yeni dodaq boyasını tanıdıb. Aktrisanı poster üçün şəkillərini də Domeniko Dolçenin özü çəkib. Fotosessiya zamanı ulduz sözügedən markanın üç libasında kamera qarşısına keçib.

     Hollivud aktrisası Cennifer Eniston və sevgilisi Castin Teru nəhayət nikah masasına əyləşəcək. Cütlük toyu Meksikada keçirmək istəsə də, daha sonra fikrindən daşınaraq bu özəl gecəni Havay adalarında qeyd etmək qərarına gəlib. Artıq gecəyə dəvət olunacaq qonaqlar da müəyyənləşib. Sevgililər mərasimə cəmi 20 nəfər dəvət edəcəklər. Toy tarixi isə açıqlanmır. Buna səbəb onların mediadan gizli mərasim etməyə çalışmasıdır. 

    “Tükənmişlik sindromu” səbəbi ilə “Möhtəşəm yüz il” serialından ayrılıb Berlində qızı Laranı dünyaya gətirən Məryəm Üzərli heyranlarını təəccübləndirib. Sosial şəbəkələrdəki paylaşımları ilə tez-tez gündəmə gələn aktrisa bir sərgidə çəkdirdiyi şəkli paylaşıb. Başına qırmızı parik taxan Üzərli fanatlarını güldürməyi bacarıb.

     İngiltərə şahzadəsi Uilyam, həyat yoldaşı Keyt Midlton və kiçik oğulları Avstraliyaya səfər ediblər. Orada “Üzük qardaşlığı” filminin rejissoru Piter Ceksonla görüşən saray heyəti əyləncəli zaman keçiriblər. Rejissor Midltonun telefonla şəkillərini də çəkib. Cütlüyün uzun müddət söhbət etməsi Keytin filmdə çəkilmək istədiyi iddialarına yola açıb.

 

Sahilə Aslanova

 

Muz-Tv.az