Aygün Kazımova: “Axtardığımı tapdım”
Bir neçə gün sonra Türkiyəyə səfərə hazırlaşan xalq artisti Aygün Kazımovadan xəbər var. Lent.az-ın məlumatına görə, sənətçi növbəti fərqli layihəsi üçün kameralar..
Bir neçə gün sonra Türkiyəyə səfərə hazırlaşan xalq artisti Aygün Kazımovadan xəbər var. Lent.az-ın məlumatına görə, sənətçi növbəti fərqli layihəsi üçün kameralar qarşısına keçib: “Yeni layihəmə start verdim. Bu layihədə mənim bir devizim olacaq. "Axtardığımı tapdım". Bunun üçün isə xalq artisti fotoqraf Sadiq Quliyevin foto-kameraları önünə keçib, fərqli üslubda fotosessiya etdirdim. Yeni layihəmin şəkillərində gördüyünüz “M” hərfi isə hələlik müəmmalı olaraq qalır. Yəqin sizdə də sual yarandı, görəsən onun axtardığı kim və nədir? İnşallah bir müddət sonra hər şey məlum olacaq”. Qeyd edək ki, Kazımova yeni “Chevrolet” markalı avtomobilinin önündə də pozalar verib.
Müğənni Elnur Məmmədovun yeni albomu işıq üzü görüb. “Sən elə bir zirvəsən” adlanan topluda Kamal və Baba Vəziroğlunun birgə yaradıcılıq işləri yer alıb. Alboma 10 mahnı daxildir. Albom “Gilan” studiyasında yüksək tirajla buraxılıb.
Müğənni Nadir Qafarzadə son günlər adının mediada müzakirə olunmasına münasibət bildirib. Axşam.az-ın məlumatına görə, sənətçi: “Bəzən məni özüm də bilmədən qalmaqala salırlar. Bəzən isə ətrafımda baş verən haqsızlıqlara göz yuma bilmirəm. Fikirlərimi bəzən efirdə, bəzən isə sosial şəbəkədəki səhifəmdə bölüşürəm. Nəticədə isə istəmədən qalmaqalın tam mərkəzində oluram. Düşünməyin ki, mən bunu qalmaqal, ya da başqa bir şey üçün edirəm. Sadəcə sözümü deyirəm” – deyə bildirib. Qafarzadə daha sonra yaradıcılığından söz açıb: “Yaradıcılığımda yeniliklər çoxdur. Təxminən, ona yaxın yeni mahnı yazdırmışam. Bunlar arasında görkəmli bəstəkarların əsərləri, estrada mahnıları və köhnə türk bəstələri yer alıb. Bu gün isə Türkiyənin əksər tanınmış müğənnilərinin ifa etdiyi “Sevda” mahnısını dinləyicilərin ixtiyarına verirəm. Bu mahnını xeyli müddət idi ki, lentə aldırmaq istəyirdim. Lakin müəyyən səbəblərdən yubanırdı. Bəstə artıq hazırdır. Məncə yaxşı bir mahnı ərsəyə gəlib”.
Müğənni Xumar Qədimova efirdə az görünməsinin səbəblərini açıqlayıb: “Nadir qadın efirdə də nadir görünməlidir. Gec-gec çıxmaq yaxşıdır. Qoy tamaşaçılar məni özləsinlər”. Qədimova onu sevməyənlərə də ismarıc göndərib: “Başqaları sevənləri ilə görüşüb, kiməsə kömək əli uzadıb, sonra bunu reklam edir. Bu cür halları bəyənmirəm. Çox narahat adamam. Gecə yatanda da rahat olmuram”. Müğənni onu təqlid edənləri də cavabsız qoymayıb: “Məni təqlid edirlər, amma bəyənmirəm. Olduğum kimi deyil. Xoşum gəlmir o təqlidlərdən”.
Sahilə Aslanova
Muz-Tv.az