Elşad Xose Oksanaya hədiyyə etdi

Repçi Elşad Xose keçmiş həyat yoldaşı Oksana Rəsulovaya hədiyyə edib.  Axşam.az-ın məlumatına görə, sənətçi rəqqasənin portretini çəkib. 

    Repçi Elşad Xose keçmiş həyat yoldaşı Oksana Rəsulovaya hədiyyə edib.  Axşam.az-ın məlumatına görə, sənətçi rəqqasənin portretini çəkib. Son vaxtlar sənətdən uzaqlaşıb, rəssamlıqla məşğul olan Elşad Xose çəkdiyi rəsmi İnstaqram səhifəsində paylaşıb. O, fotonun altından “Hədiyyə, kətan yağlı boya” sözlərini yazıb. Xatırladaq ki, 2012-ci ilin martında nikah masasına oturan Elşad Xose və Oksana Rəsulova cütlüyü bir il sonra isə boşanmışdı.

   Müğənni Azəri Günel Zeynalova yeni sinqlini Türkiyədə təqdim edib

Sənətçi İstanbulda “Tatlısəs kabab” adlı məkanda “Layiq deyilsən” adlı yeni sinqli ilə bağlı mətbuat konfransı keçirib.  Təqdimata gələn jurnalistlərdən Rza Zərrab haqqında sual verməmələrini xahiş edən müğənni: “Evlənib uşaq sahibi olmuş biri haqqında danışmaq doğru deyil. Nə olar, onun haqqında suallar verməyin, bu məsələlərlə gündəmə gəlmək istəmirəm”, - deyib.

   Əməkdar artist Elza Seyidcahan iddialı danışıb. Müğənni açıqlamasında bir çox ifaçıların onun geyim tərzini təkrarladığını deyib: “Səhnəyə dəmir libasla çıxanda məni qınayırdılar. Paltarımın çəkisindən danışanda qəbul etmirdilər. İndi müğənnilər dəmir libas geyinir, çıxıb libaslarının çəkisindən, qiymətindən danışırlar. Bu məni sevindirir. Öyrənmək pis deyil”.  Əməkdar artist “Aygün Kazımova da sonuncu konsertində zəncirli paltar geyinmişdi. Bəyəndiniz?” sualına belə cavab verib: “Əlbəttə bəyəndim. Heç kəs kimisə təkrarlamaqdan qorxmasın”.

   Əməkdar artist Mətanət İsgəndərli gözəlliyinin sirrini açıqlayıb. Show.az-ın məlumatına görə, o, bu məsələdə sevgi üzərində qurulan ailənin rolunu vurğulayıb: “Mən sevgidən doğulmuşam. Atamla anam bir-birini çox sevibər. Ailə qurarkən atamın 17, anamın 14 yaşı olub. Mən də ilk məhəbbətdən doğulmuşam”. Estetik əməliyyat etmədiyini söyləyən əməkdar artist yaşıd həmkarlarına da söz atıb: “Bu sənətdə mənim yaşıdlarım arasında, demək olar ki, hər kəs əməliyyat etdirib. Bircə mən üzümdə heç bir plastik əməliyyat etdirməmişəm”.

 

Sahilə Aslanova

 

Muz-Tv.az