Nurgül Yeşilçay bir müddət ekranlarda görünməyəcək

Son üç ildə baş rollarında oynadığı dörd serialın  da dayandırılması Nurgül Yeşilçayı qəti qərar qəbul etməyə məcbur edib. 

    Son üç ildə baş rollarında oynadığı dörd serialın  da dayandırılması Nurgül Yeşilçayı qəti qərar qəbul etməyə məcbur edib. İstirahət etmək haqqında düşünən aktrisa “Növbəti mövsümdə heç bir serialda olmayacağam”  - deyib. Yeşilçay kinoda da uğur qazana bilməyib. Son beş ildə rol aldığı 3 filmdən heç biri 1 milyondan artıq insan tərəfindən izlənməyib. 

    Müğənni Britni Spirs oğulları və sevgilisi Devid Lukado ilə birlikdə  Havay adalarında istirahət edir. Artıq çəkisindən utanan ulduz nadir hallarda fotolarını heyranları ilə bölüşür. Amma paparazzi Britnini çəhrayı bikinisi ilə görüntüləyə bilib. Müğənni dağınıq yığılmış saçları, günəş eynəyi ilə diqqət çəkib. Britni Spirsin səliqəsizliyi də gözdən qaçmayıb.

    Həyat yoldaşı Okan Kurtla Etilerdə gəzən Demet Akalın kameralara tuş gəlib. Müğənni ona hədiyyə olaraq göndərilən ayaqqabıları jurnalistlərə göstərib. 2012-ci ilin aprelində Okanla nikahında çəkilən fotonun yer aldığı ayaqqabısı ilə şəkil çəkdirən pop ulduz: “Çantam və eynəyimdən başqa, hər şeyim hədiyyədir. Havayı yaşayıram” –deyə zarafat edib.

    Hollivud ulduzu Tom Kruzun 10 kiloqram kökəlməsi həmkarlarının təəccübünə səbəb olub. Bu yaxınlarda “Jameson Empire Awards” mükafatlandırma mərasiminə qatılan aktyor öz xarici görünüşü ilə ətrafdakıları heyrətləndirib. Tomun dostlarından biri 51 yaşlı ulduzun hələ də Keti Holmsla boşandıqdan sonra özünə gələ bilmədiyini söyləyib. İddiaya görə, aktyor çətin günlərin öhdəsindən gəlmək üçün çox yeməyə başlayıb.

 

Sahilə Aslanova

 

Muz-Tv.az