Xatirə İslam gəlinlik paltarını satışa çıxardı

Müğənni Xatirə İslam gəlinlik libasını satışa çıxarıb.  Bu haqda sənətçi özü xəbər verib. Axşam.az-ın məlumatına görə, ifaçı:  “Gəlinlik libasım çox dəyərlidir, amma...

    Müğənni Xatirə İslam gəlinlik libasını satışa çıxarıb.  Bu haqda sənətçi özü xəbər verib. Axşam.az-ın məlumatına görə, ifaçı:  “Gəlinlik libasım çox dəyərlidir, amma   həcmi  böyükdür. Evdə yer tutur. Düşündüm ki, onu bundan sonra nə edəcəm? Vaxt keçdikcə dəbdən də düşür. O qədər pul vermişəm, xarab olur. Heyfim gəldi, ona görə də satmaq qərarına gəlmişəm. Mənə necə düşərli oldusa, yeni sahibinə də o cür uğur gətirəcək” - deyə bildirib.  Qeyd edək ki, Xatirə İslam açıqlamasında gəlinlik libasını xüsusi tikdirdiyini və onun üçün 15 min manat xərclədiyini bildirmişdi.

    Bu gün müğənni Ramal İsrafilovun toyu olacaq. O, Sevda adlı xanımla nikah masasına oturacaq. Mediaya qapalı olan mərasim şadlıq saraylarından birində baş tutacaq. Mərasimdə şou-biznesin tanınmış simaları iştirak edəcək.  Qeyd edək ki, Ramal İsrafilov, açıqlamasında gələcək həyat yoldaşının xalası qızı olduğunu bildirmişdi.

    Əməkdar artist Lalə Məmmədova yeni doğulmuş körpəsinin fotosunu İnstaqram səhifəsində paylaşıb. Müğənni şəklin altına "Ulduz yalnız səhnədə oluruq. Adi həyatda isə yuxuya möhtac ana" sözlərini yazıb. Qeyd edək ki, Lalə Məmmədova övladına Çinarə adını verib. İfaçının Nərgiz adlı daha bir qız övladı var.

     Müğənni Günay İbrahimli iddialı danışıb.  Belə ki, sənətçi özünü "hitmeyker" adlandırıb: “Deyirlər, Günay hitmeykerdir. Bununla razıyam. Bütün yaxşı mahnılar mənə qismət olur. Son vaxtlar şou-biznesdə boşluq var. Mən yenilik axtarıram. Dinləyicilər yenilik istəyir. Türksayağı mahnılardan beziblər. Mahnı seçimimdə, ifa tərzimdə dəyişiklik edəcəyəm”. Xanım müğənnilərin birindən duet təklifi aldığını deyən Günay ona "yox" cavabı verib: “Şakirayla Rihannanın klipinə bənzər ekran işi çəkməyi təklif ediblər. O klipi də izləmişəm, mahnıya da qulaq asmışam və çox bəyənmişəm. Amma elə şey etmərəm. Mən qınaq obyektinə çevrilə bilərəm. Buna ehtiyacım yoxdur. Əslində o müğənni məndən də məşhurdur. Ancaq mən artıq adımın o tip mövzularda hallanmağını istəmirəm. Mənə belə antireklam lazım deyil”.

 

Sahilə Aslanova

 

Muz-Tv.az