Murad Boz və Gülşənin fotoları gündəmi alt-üst edəcək

Gənc qızların sevimlisi olan Murad Boz ilə cazibədar müğənni Gülşən “İltimas” adlı sinqlları üçün işə başlayıblar. 

    Gənc qızların sevimlisi olan Murad Boz ilə cazibədar müğənni Gülşən “İltimas” adlı sinqlları üçün işə başlayıblar. Hər iki sənətçi mahnıya çəkilən və olduqca səmimi görüntülərin yer alacağı klipin gündəmi alt-üst edəcəyini iddia edib. Söz və musiqisi Gülşənə, aranjimanı Ozan Çolakoğluya məxsus olan kompozisiyanın klipini Emre Ünal çəkəcək. Mahnının tanıtımları üçün çəkilən fotolar da video çarxın özü qədər gündəmi zəbt etməyi bacarıb.

    Hollivud ulduzu Conni Deppin nişanlısı Ember Herdin hamilə olduğu iddia edilib. Ulduz şayiələri rədd etməyərək şübhələri daha da artırıb. Bu yaxınlarda Ellen DeCeneresin şousunda qonaq olan Conni çox uşaq sahibi olmaq istədiyini dilə gətirib. Aktyor özünü gənc yaşlarındakına nisbətən daha rahat hiss etdiyini və artıq bəzi məsuliyyətlərə hazır olduğunu da vurğulayıb. Xatırladaq ki, qış aylarında mediaya münasibətlərini elan edən sevgililər artıq toy mərasiminə hazırlaşırlar.

    Braziliyalı model Jizel Bundhen bacarıqlarına daha birini əlavə edib. Belə ki, gözəl ulduz “Blondie” qrupunun klassikləşmiş “Heart Of Glass” mahnısını ifa etmək üçün qollarını çirmələyib. 33 yaşlı modelin bu istedadı o qədər bəyənilib ki, hətta mahnının “H&M” brendinin reklam kampaniyasında da istifadə olunacağı açıqlanıb.

    Məşhur aktrisa Hazal Kaya İnstaqramda özünə hesab açan kimi ən çox izlənən istifadəçilərdən birinə çevrilib. Üç gün ərzində 6000-dən çox izləyici toplaya bilən  Hazal artıq bir neçə şəkil də paylaşıb. Aktrisa bu addımı saxta hesablardan canını qurtarmaq üçün etdiyini söyləyib.

 

 

Sahilə Aslanova

 

Muz-Tv.az