Tarkan yenidən konsert verəcək

Türkiyənin meqastarı Tarkan yenidən Azərbaycana gələcək. Axşam.az xəbər verir ki, müğənni təşkilatçı Nahid Emiloğlunun təşəbbüsü ilə Qəbələdə konsert verəcək. 

     Türkiyənin meqastarı Tarkan yenidən Azərbaycana gələcək. Axşam.az xəbər verir ki, müğənni təşkilatçı Nahid Emiloğlunun təşəbbüsü ilə Qəbələdə konsert verəcək. Hazırda İstanbulda olan N.Emiloğlu danışıqların yekunlaşdığını və Tarkanla razılıq əldə olunduğunu deyib: “Hər şey uğurla başa çatdı. Müqavilələr imzalandı. Tarkan iyunda Qəbələdəki stadionda böyük konsert proqramı ilə çıxış edəcək. Konsertin gününü bu yaxınlarda açıqlayacağam. Gecədə səhnəyə yerli müğənnilərimizdən biri də çıxacaq. Onun kimliyini hələlik söyləyə bilmirəm. Çünki bu mənim tək verə biləcəyim qərar deyil. Bununla bağlı da danışıqlar dəqiqləşdikdən sonra ətraflı məlumat verəcəyəm". Xatırladaq ki, Tarkanın Azərbaycanda sonuncu konserti 2014-cü il Yeni il gecəsi Qubada baş tutmuşdu.

    Azərbaycanlı model Günay Musayevanın həyat yoldaşı, aktyor Tolqa Karel Acun Ilıcalının “Survivor” yarışmasında dava salıb. Duyğu Balla çörək üstündə dalaşan Tolqa özündən çıxıb. O, hər kəsin onu sıxışdırmağından yorulduğunu deyərək üsyan edib. “Niyə mənə göz verib, işıq vermirsiniz? Sizə nə etmişəm? Nə istədinizsə, onu da demişəm. Günahım nədir?” - deyə qışqıran aktyor hamıya etirazını bildirib. Qeyd edək ki, həmin görüntülər efirdə yayımlanmayıb.

   “Gərək heç kim keçmişini unutmaya...” Axşam.az-ın Axar.az-a istinadən verdiyi məlumata görə, bu sözləri Mətanət İsgəndərli Ramalın toyunu ağlayaraq tərk etməsinə aydınlıq gətirərkən deyib: “Mən bu haqda danışmaq istəmirəm. Bəli, inciklik olub, lakin xanım müğənnilər mənim doğru anlamadığımı dedilər. Guya yalnış anlaşılma olub. Nə deyim, sadəcə onu söyləyə bilərəm ki, gərək heç kim keçmişini unutmaya”.  Qeyd edək ki, Ramal İsrafilovun toyunda, müğənni Mətanət İsgəndərli  eyni masa ətrafında yer alan Nazpəri Dostəliyeva və Könül Kərimovadan inciyib. Belə ki, Nazpəri xanım Dostəliyevanın Könül Kərimovadan onunla şəkil çəkdirməsini istəməsi həmin masa arxasında əyləşən digər xanım sənətçi Mətanət İsgəndərlinin onlardan inciməsinə səbəb olub. “Mənlə niyə şəkil çəkdirmirsiniz”, - deyə soruşan Mətanət xanımla digər iki xanım sənətçi arasında söz davası yaranıb. Bu olaydan gözləri dolan Mətanət İsgəndərli “Keçmişinizi deyəsən unutmusunuz. Hamınızın yadına salaram”, - deyərək gözüyaşlı şəkildə toyu tərk edib.

Xatırladaq ki, son günlər Mətanət İsgəndərlinin narkoman olduğu iddiası gündəmdən düşmək bilmir.

     Müğənni Samir Piriyev  9 aylıq oğlunun fotosunu İnstaqram səhifəsində paylaşıb. Sənətçi oğluna Nicat adını verib. Samir Piriyevin qızları Ayşə, Fərəh və oğlu ilə fotolarını təqdim edirik. Qeyd edək ki, S.Piriyev Anara adlı xanımla ailə həyatı qurub. Sənətçinin oğlu ötən ilin iyulunda dünyaya gəlib.

 

Sevda Məmmədova

 

Muz-Tv.az