Məşhur rusiyalı müğənni Valeriya Bakıda

Rusiyanın xalq artisti, populyar müğənni Valeriya aprelin 17-də Heydər Əliyev Sarayında möhtəşəm konsert proqramı ilə çıxış edəcək. 

    Rusiyanın xalq artisti, populyar müğənni Valeriya aprelin 17-də Heydər Əliyev Sarayında möhtəşəm konsert proqramı ilə çıxış edəcək. Bu münasibətlə mətbuat konfransı verən sənətçi gecədə gözlənilən sürprizlərdən birini açıqlayıb. Belə ki, Valeriyanı səhnədə oğlu da müşayiət edəcək.

    Konsertin digər sürprizlərindən biri isə Valeriyanın xalq artisti Polad Bülbüoğlu ilə oxuyacağı duet olacaqmış. Amma sənətçimizin səhhətindəki problemlər bu layihənin reallaşmasına mane olub. Valeriya məmnuniyyətlə yerli müğənnilərdən biri ilə duet oxuya biləcəyini də söyləyib.

    Aprelin 17-də reallaşacaq konsertin özəlliklərindən biri də həmin gün Valeriyanın doğum gününün olmasıdır. Müğənninin həyat yoldaşı İosif Priqojin bu münasibətlə sənətçiyə bahalı hədiyyə aldığını söyləyib.

    Qeyd edək ki, Valeriya konsertində Üzeyir Hacıbəyli adına Azərbaycan Dövlət Simfonik Orkestrının və Dövlət Xor Kapellasının müşayiətilə tamaşaçılara məşhur hitləri ilə yanaşı tamamilə yeni mahnılar ifa edəcək.

 

Sahilə Aslanova

Vüsal Həşimov

 

Muz-Tv.az