Tarkanın “Şıkıdım”ı dünyanın ən sevilən mahnıları arasında

Türkiyənin meqastarı Tarkanın bir vaxtlar ən çox dinlənilən mahnılarından olan "Şımarık", "dünyanın ən yaxşı 15 mahnısı" siyahısına düşüb.

   Türkiyənin meqastarı Tarkanın bir vaxtlar ən çox dinlənilən mahnılarından olan "Şımarık", "dünyanın ən yaxşı 15 mahnısı" siyahısına düşüb. İngiltərə və ABŞ-da, 15 minə yaxın insan arasında  sorğu aparılıb və bu günə qədər bir neçə fərqli versiyalarda səsləndirilmiş ən yaxşı 15 mahnı seçilib. Siyahıda Tarkanın "Şımarık" mahnısı da var.  Onbeşliyə Tarkanla bərabər Rihanna ilə Eminemin duet şəklində ifa etdikləri “Monster”, orijinalı "Go North To Go South"-a aid olan, Pinkin yeni arenjimanda səsləndirdiyi “Try” mahnıları da daxildir. Qeyd edək ki, Tarkan iyunda Qəbələdə konsert verəcək. Nahid Emiloğlunun təşkilatçılığı ilə keçiriləcək gecə Qəbələ stadionunda baş tutacaq.

   Türkiyənin "Fox" kanalında yayımlanan “Qaragül” serialına geri dönən Özcan Dəniz, yeni mövsümdə başqa ekran işində rol alacağına görə filmdən ayrılmalı olub.  "Show tv" üçün çəkilən təzə serialda Özcan Dəniz aktrisa Belçim Bilginlə tərəf müqabili olacaq. Aktyor-müğənni "Qaragül" serialının prodüseri Şükrü Avşara “Mənim filmlərimdə sənin əməyin böyükdür.  Ancaq  icazə ver gedim. Çox yaxşı məbləğ təklif ediblər” deyərək onun razılığını ala bilib.  Qeyd edək ki, Özcan Dənizdən sonra aktyor və  müğənni Yavuz Bingöl də ssenariyə uyğun olaraq "Qaragül" serialından ayrılacaq.

   Məşhur türk müğənnisi Hadisə sosial şəbəkədə təzə fotolarını paylaşıb. Hadisə təzə albom üzərində işləyir. Bu məqsədlə günlərlə studiyadan çıxmayan müğənni İnstaqram səhifəsində təzə şəkillərini paylaşıb və altından "az qaldı..." yazıb.

   Amerikalı top-model Haydi Klumla 13 yaş kiçik sevgilisi Vito Şnabelin macəraları davam edir. Cütlük romantik Fransa səyahətindən qayıdar-qayıtmaz qızmar Meksikaya yollanıb. Belə ki, sevgililər dünən şəxsi çimərliklərin birində fotokameraların hədəfi olub. Şnabellə Klum birlikdə gah günəş vannası qəbul edib, gah da suda ehtirasla öpüşüb-qucaqlaşıblar.  40 yaşlı Haydi çimərlikdə yarıçılpaq halda gəzirmiş.

    Türkiyəli müğənni-aktrisa Hülya Avşarın keçmiş həyat yoldaşı Qaya Çilingiroğlu və sevgilisi Sadettin Saran bir araya gəlib. Onlar təsadüfən Nişantaşı adlanan səmtdə rastlaşıblar.  Tərəflər "Planlı şəkildə görüşmədik. Amma ayaqüstü söhbət etdik. Xoş təsadüf oldu" - deyə açıqlama veriblər.

 

Sevda Məmmədova

 

Muz-Tv.az