“Dünyanın ən yaxşıları”ndan breykdans şousu

Aprelin 19-da Rəşid Behbudov adına Dövlət Mahnı Teatrında breykdans üzrə ən nüfuzlu “Red Bull BC One” beynəlxalq çempionatının növbəti seçmə mərhələsi...

    Aprelin 19-da Rəşid Behbudov adına Dövlət Mahnı Teatrında breykdans üzrə ən nüfuzlu “Red Bull BC One” beynəlxalq çempionatının növbəti seçmə mərhələsi keçiriləcək. Qalibləri isə ölkəmizə təşrif buyuran dünyanın ən məşhur üç bi-boy mütəxəssisi seçəcək.Sözügedən münsif heyəti müsabiqədən əvvəl paytaxtın məşhur universitetlərindən birinin tələbələri ilə görüş keçirib. Tədbirdən əvvəl suallarımızı cavablandıran qonaqlar iştirakçıları hansı üstünlüklərinə görə seçəcəklərindən danışıblar.

    Bi-boylardan Butuz bu müxtəlif xalqların nümayəndələrinin necə bir araya gəlmələri haqqında danışıb. Daha sonra qrup üzvləri tələbələrlə səmimi söhbət edərək onları maraqlandıran suallara cavab veriblər. Tədbirin sonunda “dünyanın ən yaxşıları” tamaşaçılara breykdans şousu təqdim ediblər.

    Qeyd edək ki, aprelin 19-da baş tutacaq müsabiqədə ölkənin 16 istedadlı bi-boyu unikal təkbətək formatlı batllarda öz bacarıqlarını nümayiş etdirəcək.  “Red Bull BC One Azerbaijan Cypher 2014” seçmə mərhələsinin qalibi Xorvatiyada keçiriləcək “Red Bull BC One” Şərqi Avropa seçimlərində ölkəmizi təmsil edəcək və noyabrın sonunda Parisdə keçiriləcək dünya finalına düşmək üçün real şans əldə edəcək.   

Sahilə Aslanova

Ramal Gülməmmədov

 

Muz-Tv.az