Tünzalə Ağayeva verilişinə rəfiqəsini dəvət etdi

Əməkdar artist Tünzalə Ağayevanın “TRT Muzik” telekanalında yayımlanan “Bir səsin cazibəsi” verilişinin növbəti buraxılışı da maraqlı olacaq. 

      Əməkdar artist Tünzalə Ağayevanın “TRT Muzik” telekanalında yayımlanan “Bir səsin cazibəsi” verilişinin növbəti buraxılışı da maraqlı olacaq. Axşam.az-ın məlumatına görə, müğənni bu dəfə verilişində həmkarı Samirə Allahverdiyevanı qonaq edib. T.Ağayeva seçiminin çox ürəyincə olduğunu deyib: “Çox sevinirəm ki, Samirə kimi bir səsi "TRT Muzik"in tamaşaçıları da dinləyəcək. O, Azərbaycan tamaşaçısının qəlbinə yol tapdığı kimi türkiyəli dinləyicilərin də ürəklərini fəth edəcək. Samirəylə illərdir dostuq. Buna görə də veriliş çox əyləncəli keçəcək”.

     Əmməkdar artist Elza Seyidcahan yeni saç düzümü ilə hər kəsi təəccübləndirib. 

Fərqli imiclə tamaşaçı qarşısına çıxmağı sevən müğənni bu dəfə saçlarından ulduz etdirib. Qeyd edək ki, E.Seyidcahan özünü səhnənin fərqli ulduzu adlandırıb. O, dünya şöhrətli müğənni Ledi Qaqanın da onu təkrarladığını iddia edib.

     Ana olandan sonra bir müddət yaradıcılıq işlərinə fasilə verən müğənni Ayan Babakişiyeva haqqında təzə xəbər var. Sənətçi açıqlamasında bu gün uzun müddətdir hökm sürən sükutu pozacağını bildirib. Səsyazma studiyasına yollanan sənətçi, sözləri Zemfira Əlişqızına, musiqisi Elçin İmanova aid olan “Qorxuram gecələrdən” mahnısını lentə yazdıracaq. 

     Müğənni Xəyyam Nisanovun gizlicə evlənməsi ilə bağlı xəbər yayılıb. Sənətçi sevdiyi insandan ayrıldığını və evlənmədiyini deyib: “Bu şayiədir, evlənməmişəm. Belə xəbərləri kim yayır, bilmirəm. Hazırda həyatımda heç kim yoxdur. Çox sevdiyim biri var idi, amma ayrıldıq. Mən sülhsevər insanam, heç kimin qəlbini qırmaram”.

 

 

Fuad Oqtayoğlu

 

Muz-Tv.az