Valeriya Baki səhnəsində doğum gününü qeyd etdi

Aprelin 16-də media nümayəndələrini başına toplayıb mətbuat konfransı keçirən Rusiyanın populyar müğənnisi Valeriya nəhayət, haqqında çox danışılan konsert...

   Aprelin 16-də media nümayəndələrini başına toplayıb mətbuat konfransı keçirən Rusiyanın populyar müğənnisi Valeriya nəhayət, haqqında çox danışılan konsert proqramı ilə Heydər Əliyev Sarayında çıxış edib.

   Gecədə müğənnini deyib gələn paytaxt sakinlərinin əsl anşlaq yaratması diqqət çəkib. Səhnəyə alqış  sədaları altında təşrif buyuran sənətçi dərhal musiqiyə söz verib. Tamaşaçıları salamlayan Valeriya doğum gününü qeyd etmək üçün məhz paytaxtımızı seçməsinin təsadüfi olmadığını deyib.

   Konsert əsnasında bir neçə dəfə libasını dəyişən müğənnini səhnədə oğlu da müşayiət edib. Bir-birinin ardınca ən hit mahnılarını ifa edən Valeriya gurultuyla alqışlanıb. Gecənin sonunda isə səhnəyə tort gətirilərək Valeriyanın doğum günü qeyd edilib.

 

Sahilə Aslanova

Ramal Gülməmmədov

 

Muz-Tv.az