Səhnəmizin “Karmen”indən maraqlı konsert

Ötən gün əməkdar artist, Azərbaycan Dövlət Akademik Opera və Balet Teatrının  solisti Fidan Hacıyeva vəd etdiyi kimi Heydər Əliyev Sarayında solo konsert proqramı

   Ötən gün əməkdar artist, Azərbaycan Dövlət Akademik Opera və Balet Teatrının  solisti Fidan Hacıyeva vəd etdiyi kimi Heydər Əliyev Sarayında solo konsert proqramı ilə çıxış edib. "Sevgili canan" adlanan konsertdə sənətçini Opera və Balet Teatrının Simfonik Orkestri müşayiət edib. Konsertin dirijorlu Opera və Balet Teatrının baş dirijoru Cavanşir Cəfərov olub.

   Gecəyə qatılanlar sırasında əməkdar artistə opera sənətinin bütün incəliklərini öyrədən müəllimi professor Hüseynbəy Əliyev də olub. Fidan xanım repertuarında olan Azərbaycan və dünya klassik musiqi nümunələrindən parçalar səsləndirib. Həmçinin o, sənətinin vizit kartı sayılan “Karmen” operasından da bir parça ifa etməyi unutmayıb.

   Konsertin sonundaFidan Hacıyeva klassik musiqini sevən, qiymətləndirən tamaşaçılarına təşəkkür edərək məmnunluğunu dilə gətirib.

 

Sərvər Mehdiyev

Vüsal Həşimov

 

Muz-Tv.az