“Çalıquşu” serialı bitir

"Kanal D"də yayımlanan “Çalıquşu" serialının dörd bölümdən sonra bitəcəyi açıqlanıb.  Efir vaxtı 2 dəfə dəyişdirilmiş serialın 30-cu seriyasının final olacağı bildirilib.

   "Kanal D"də yayımlanan “Çalıquşu" serialının dörd bölümdən sonra bitəcəyi açıqlanıb.  Efir vaxtı 2 dəfə dəyişdirilmiş serialın 30-cu seriyasının final olacağı bildirilib.  Bu xəbəri serialın rejissoru İlkay Doğan Tvitter hesabında paylaşıb: “Gec açıqladığıma görə üzr istəyirəm. Bəli, serialımızın 30-cu bölümdə bitəcəyi doğrudur”

    Axırıncı dəfə “Karib dənizi quldurları” filmində rol alan ispaniyalı aktrisa Penelopa Kruz Ceyms Bondun yeni qadınlarından biri olacaq.  Keçən ilin iyul ayında ikinci dəfə ana olan 39 yaşlı Kruz sözügedən silsilə filmlərin sayca 24-cüsündə Daniel Kreyqlə birlikdə çıxış edəcək. Sem Mendesin rejissoru olacağı filmin çəkilişləri 2014-cü ilin sonlarında başlayacaq. Ekran əsərinin 2015-ci ilin oktyabrında təqdim ediləcəyi gözlənilir.

    Dəmət Akalın körpəsi Hiranın ilk görüntüsünü yayımlayıb. İnstaqram hesabından həyat yoldaşı və qızının videosunu paylaşan müğənni heyranlarına sürpriz edib. Okan Kurtun doğum günü münasibəti ilə yayımlanan çarxda: “Əziz atam, doğum günün mübarəkdir. Səni çox sevdiyimi anama demə. Çox kədərlənir. O da səni çox sevir” yazan Dəmət “Hamı maşallah desin” şərhini qeyd etməyi də unutmayıb. Heyranları tərəfindən çox bəyənilən video sosial mediada da diqqət çəkib.

    Dünyaca məşhur model Jizel Bundhen “Elle İtalia” jurnalı üçün kamera qarşısına keçib. Ulduz iyunun 12-də Braziliyada başlayacaq  futbol üzrə dünya çempionatı üçün maraqlı fotosessiya etdirib. 33 yaşlı model jurnala müsahibəsində vətəni ilə fəxr etdiyini və idmanın həyatında əhəmiyyətli yer tutduğunu söyləyib. 

 

Sahilə Aslanova

 

Muz-Tv.az