Nadir Qafarzadə yenə Zeynəb Xanlarovanın repertuarından mahnı oxudu

Müğənni Nadir Qafarzadədən yeni xəbər var. Sənətçi növbəti dəfə xalq artisti Zeynəb Xanlarovanın repertuarına müraciət edib. 

     Müğənni Nadir Qafarzadədən yeni xəbər var. Sənətçi növbəti dəfə xalq artisti Zeynəb Xanlarovanın repertuarına müraciət edib. O, dünya şöhrətli sənətkarın ifasında olan “Xalidə” adlı mahnını lentə aldırıb.  Qafarzadə yaradıcılığında baş verən yenilik barəsində isə bunları söyləyib: “Bu gün yeni mahnımı təqdim edirəm. Bu bəstəni Azərbaycanın dahi sənətkarı, dünya şöhrətli müğənnisi Zeynəb Xanlarova ifa etmişdi. Elə o vaxtlardan bu mahnı mənim ürəyimdə öz yerini tapıb. Əksər hallarda bu mahnını züm-zümə edirdim. Daha sonra qərara aldım ki, bu bəstəni repertuarıma daxil edim. Bundan əlavə bir neçə mahnı da ifa etmişəm. Lakin hələ onu açıqlamaq istəmirəm. Amma bircə onu deyim ki, səs-küyə səbəb olacaq. Öncədən xəbərdarlıq edirəm. Partlayışa hazır olun”.

    Türkiyədə yaşayıb, fəaliyyət göstərən Azəri Günel İbrahim Tatlısəsin klassik ifalarından ibarət albom hazırlayacaq. ANS PRESS-in məlumatına görə, bunu gənc müğənni özü Türkiyədə qonaq olduğu "Hər şey daxil" proqramında deyib. Günel Tatlısəsi mənəvi atası hesab etdiyini deyib.  28 yaşlı müğənni estetik əməliyyat etdirməsi ilə bağlı iddiaları da cavablandırıb. O, heç bir əməliyyat olmadığı, sadəcə böyüdüyünü vurğulayıb.

    Müğənni Emil Bədəlov boksla məşğul olduğunu etiraf edib. Axşam.az-ın məlumatına görə, sənətçi hətta boks üzrə Bakı birincisi olduğunu da deyib: “Uşaqlıqda boksla məşğul olurdum. Bakı birincisi seçilmişdim. Sonradan yarımçıq qoydum. Çünki idmançı yox, müğənni olmaq istəyirdim. İndi hərdən boksla məşğul oluram. Amma peşəkar kimi yox. Ümumiyyətlə, idmanı heç sevmirəm”.

    Meyxanaçı Namiq Qaraçuxurlu konsertə hazırlaşır. Sənətçi bunun üçün Xaçmazı seçib. O, mayın 30-da sözügedən bölgədə baş tutacaq dəb şousunda çıxış edəcək.  Konsert Xaçmaz İdman Olimpiya Kompleksində baş tutacaq. 

 

Sahilə Aslanova

 

Muz-Tv.az