Kənan Doğuludan Berenə qeyri-adi toy hədiyyəsi

May ayında nikah masasına əyləşəcək Beren Saat və Kənan Doğulu toy məkanı olaraq Qız qülləsini fikirləşmişdilər. 

   May ayında nikah masasına əyləşəcək Beren Saat və Kənan Doğulu toy məkanı olaraq Qız qülləsini fikirləşmişdilər. Gecənin detallarının mətbuatda yayılması mövzusunda kifayət qədər həssas olan cütlük məkanın sahiblərindən tarixi yerin ətrafının hasarla örtülməsini istəyib. Bu barədə müsbət cavab ala bilməyən Doğulu və Saat mərasimi Qalata qülləsində keçirmək qərarına gəliblər. Qeyri-adi toy planları quran Kənan Berenin fatasının eynisindən hazırladıb 67 metr uzunluğundakı qüllənin günbəzindən aşağıya salladacaq. Xatırladaq ki, iki ildir eşq yaşayan Beren Saat və Kənan Doğulu 23 fevral tarixində nişanlanmışdı.

   20 yaşlı Castin Biber ağır günlər yaşayır. Belə ki, Ağ evin internet saytında 275 min Amerika vətəndaşı ulduzun ölkədən çıxarılmasını tələb edib. May ayında kanadalı bir sürücüyə hücum etməsi iddiası ilə hakim qarşısına çıxacaq müğənni ölkəsindəki bir konsertdə etirazla üzləşmişdi. Eyni zamanda Ağ Evin rəsmi saytında pop ulduzun Amerikadan deportasiya edilməsini tələb edən sənəd yayımlanıb. Bu ana qədər ərizəyə 275 min adam imza atıb. Müraciətdə “Biber sadəcə xalqımızın təhlükəsizliyini məhv etmir, həm də gənclərimizə çox pis nümunə olur. Castin Biberin cəmiyyətimizdən uzaqlaşdırılmasını istəyirik” ifadələri yer alıb. Xatırladaq ki, sənəd 100 min imza topladığı təqdirdə prezident Barak Obamanın özünün bu mövzu ilə məşğul olacağı bildirilsə də Ağ ev məsələni şərh etməyə tələsmir.

   Ajda Pekkan Arnavutköydəki  evini 12.8 milyon lirəyə satışa çıxarıb. Təxminən üç ay əvvəl əmlak agentinə təlimat verən Pekkan mənzilinə 6 milyon dollar dəyər qoysa da, 90 günlük satış müddətində mülklə maraqlanan olmayıb. Ulduzun uzun illərdir yaşadığı evini satmasına əsas səbəb isə it və pişikləridir. Heyvanlarının villada daha rahat şəraitdə yaşayacağını düşünən sənətçi mənzili satışa çıxarıb.

   Yanvarın 17-də Bodrumda keçirdiyi septik şok nəticəsində xəstəxanaya yerləşdirilən aktyor Nejat İşlər 95 gündən sonra evə buraxılıb.  Sənətçi şiddətli ağ ciyər infeksiyası ilə bağlı nəfəs çatışmazlığı diaqnozu ilə müalicə edilirdi. Yanvarın 22-də İstanbula gətirilən aktyor uzun müddət yatızdırılıb. Müalicəsi  müsbət nəticə verən İşlər nəhayət evə buraxılıb. Twitter hesabından qələbə işarəsi göstərərək çəkdirdiyi şəklini paylaşan Nejat İşlər “Hər kəsə salam” –deyə yazıb.

 

Sahilə Aslanova

 

Muz-Tv.az