Alim Qasımov İranda konsert verəcək

Mayın 13-də xalq artisti Alim Qasımov Tehranda konsert verəcək.  Lent.az-ın məlumatına görə, tədbir Tehran Beynəlxalq Sərgi Mərkəzinin “Milad” salonunda olacaq.  

    Mayın 13-də xalq artisti Alim Qasımov Tehranda konsert verəcək.  Lent.az-ın məlumatına görə, tədbir Tehran Beynəlxalq Sərgi Mərkəzinin “Milad” salonunda olacaq.  Gecənin təşkilatçısı təbrizli şair Xosrov Sərtpidir.  Qeyd edək ki, bir günlük konsertdə Alim Qasımovu qızı Fərqanə Qasımova müşayiət etməyəcək. İran İslam Respublikasında qadınların ifasına icazə verilmir.

    Hazırda Türkiyədə olan xalq artisti Aygün Kazımova müğənni-bəstəkar və aranjimançı Mustafa Ceceli ilə iş birliyinə başlayıb. Sənətçilər “Azərbaycan” mahnısını birgə ifa edəcəklər. Hazırda Mustafa xalq artistinin ifa edəcəyi, sözləri Cəlal Qurbanova, musiqisi mərhum bəstəkar Hikmət Mirməmmədliyə məxsus olan kompozisiyanın aranjimanı üzərinə çalışır. 

    Müğənni Miri Yusif yeni mahnısını təqdim edib. "Ehtiyac" adlanan sinqlın sözləri və musiqisi sənətçinin özünə məxsusdur. Aranjimanını Emin Kəriminin etdiyi bəstənin vokal ifaçısı bəstəkar Hakan Eroldur.

    Brend geyimlərə üstünlük verən və dəblə ayaqlaşmağı sevən müğənni Ayan Babakişiyeva qarderobunu təzələyib.  Ifaçı büdcəsinə uyğun və ona yaraşan geyimlər aldığını bildirib: “Gözəl geyinməyi sevirəm. Ana olandan sonra çəkimi əvvəlki vəziyyətə qaytardım və yeni geyimlər aldım. Həmişə olduğu kimi zövqlü və özümə yaraşan paltarları geyinəcəm”.

 

Sahilə Aslanova

 

Muz-Tv.az