Xalq artisti Tofiq Əhmədovun 90 illik yubileyi qeyd edildi

Aprelin 23-də Heydər Əliyev Sarayında xalq artisti, tanınmış bəstəkar və dirijor Tofiq Əhmədovun 90 illik yubileyi təntənəli şəkildə qeyd edilib.

     Aprelin 23-də Heydər Əliyev Sarayında xalq artisti, tanınmış bəstəkar və dirijor Tofiq Əhmədovun 90 illik yubileyi təntənəli şəkildə qeyd edilib.Mərasimdən əvvəl suallarımızı cavablandıran xalq artistləri Fərhad Bədəlbəyli və Səyavuş Kərimi sənətkarın yubileyinin keçirilməsinin önəmindən danışıblar.

     Tədbirdə ilk olaraq söz alan mədəniyyət və turizm nazirinin müavini Ədalət Vəliyev bəstəkarın yubileyinin Azərbaycan Respublikasının Prezidentinin sərəncamı ilə baş tutduğunu qeyd edib.Mərasimin aparıcılıq missiyasını yerinə yetirən Nərgiz Cəlilova konsertin proqramı haqqında qısa məlumat verib.

Daha sonra Tofiq Əhmədovun Azərbaycan Televiziya və Radiosunun qızıl fondunda saxlanılan video görüntüləri tamaşaçılara təqdim edilib.

     Gecə ərzində təqdim edilən video çarxlar məşhur müğənnilərimizin Tofiq Əhmədova məxsus ifaları ilə müşayiət olunub. Tədbirdə həmçinin qeyd olundu ki, Tofiq Əhmədovun 90 illiyinə həsr edilən tədbirlər silsilə şəklində davam edəcək.

 

Sahilə Aslanova

Elfaq Lələyev

 

Muz-Tv.az