Red Bull BC ONE seçmə mərhələsinin nəticələrinə görə ən yaxşı bi-boy Azərbaycanı Xorvatiyada təmsil edəcək!

19 Apreldə Rəşid Behbudov adına Dövlət Mahnı Teatrında breykdans üzrə ən nüfuzlu Red Bull BC One beynəlxalq çempionatının növbəti seçmə mərhələsi keçirilib. 

    19 Apreldə Rəşid Behbudov adına Dövlət Mahnı Teatrında breykdans üzrə ən nüfuzlu Red Bull BC One beynəlxalq çempionatının növbəti seçmə mərhələsi keçirilib. Ölkənin 16 istedadlı bi-boyları unikal təkbətək formatlı batllarda öz breykdans stilini nümayiş etdirərək  “ƏN YAXŞI“-sı titulu uğrunda yarışıblar.

    Red Bull BC One Azerbaijan Cypher 2014 seçmə mərhələsinin qalibi STIMO Xorvatiyada keçiriləcək Red Bull BC One Şərqi Avropa seçmələrində ölkəmizi təmsil edəcək. Ölkənin ən yaxşı bi-boyu titulu uğrunda yarışan iştirakçı heyəti: KILLAJAZZ, STIMO, BOOCAS, DISI, KHAN, BUTTON, MAYDAY, SUNNY T, QUESTION, FANCY SNAKE, NASTY ALF, CHEERUS, LIL B, RENNO, 2RAB, EL BARTO

 

Bi-boyları üç hakimdən ibarət heyət qiymətləndirib:

Hong 10 - Red Bull BC One hazırkı Dünya çempionu,  Cənubi Koreyadan RB BC One Allstars üzvü.

Neguin - Red Bull BC One 2011 Çempionu, Braziliyadan Red Bull BC One AllStars üzvü.

Bootuz - ən məşhur rusiyalı bi-boylalarından biri, tanınmış "Predatorz" komandasının qurucusu.

 

Batlların aparıcısı Ukraynalı MC Scream idi, musiqi müşayiətini isə ölkənin ən yaxşı DJ-lərindən olan DJ Twist təmin edib.

 

Məlumat: Red Bull BC One turniri ilk dəfə 2004-cü ildə İsveçrənin Bil şəhərində keçirilib. Sonrakı illər ərzində çempionatlar Almaniya, Braziliya, Cənubi Afrika, Fransa, ABŞ, Yaponiya, Rusiya və Cənubi Koreyada keçirilib. Azərbaycan iştirakçılar sırasına 2011-ci ildən daxil olub.

Bugünkü gündə Red Bull BC One turniri hip-hop mədəniyyətində əsas hadisələrdən biridir, hansı ki bu sənət növünü populyarlaşdırmağa kömək edir, ancaq bununla bərabər əvvəlki "təkbətək" batll formatını qoruyub saxlayır. 

Bütün il ərzində bi-boylar Red Bull BC One seçmə yarışlarının gedişatında kimin güclü və həm də Dünya Finalında çıxış etməyə layiq olduğunu müəyyənləşdirməlidirlər. Hər ölkədən olan on altı bi-boy rəqs meydançasında kimin ABŞ, Braziliya, Cezayir, Finlandiya, Xorvatiya və Tayvanda keçiriləcək altı finaldan birində ölkəsini təmsil edəcəyini aydınlaşdıracaqlar. Qaliblər noyabr ayında Fransada keçiriləcək Dünya  finalında görüşəcəklər.