Riki Martindən rəngarəng klip

Məşhur puerto-rikolu müğənni Riki Martin yeni klipini təqdim edib.  “Vida” adlanan mahnının video çarxı Braziliyada lendə alınıb. 

   Məşhur puerto-rikolu müğənni Riki Martin yeni klipini təqdim edib.  “Vida” adlanan mahnının video çarxı Braziliyada lendə alınıb. Dəniz, qum və gənc qızların əhatəsində rəqs edən Riki Martin pozitiv obraz yaradıb. Klip yenicə təqdim olunmasına baxmayaraq ,müğənninin sevənlərindən böyük diqqət görüb və artıq 2 milyondan çox izlənilib. 

   Rusiyalı müğənni Sofiya Rotaru xəstəxanaya yerləşdirilib. Ulduz müalicəsini ölkə xaricində davam etdirəcək. Uzun müddətdir efirlərdə görünməyən Rotarunun heyranları sosial şəbəkədə narahatlıqlarını dilə gətiriblər. müğənninin ailəsi onun sadəcə istirahət etdiyini iddia edib. Ukraynalı sənətçinin yaxınları Rotarunun ölkəni tərk edərək Almaniyaya getdiyini, ailəsinin isə bu məlumatı mediadan gizlətdiyini bildirib.

   Amerikalı aktrisa Codi Foster 44 yaşlı rəfiqəsi, fotoqraf Aleksandra Hedisonla evlənib. 51 yaşlı ulduzun meneceri məlumatı təsdiqləyib. Nikah mərasimin keçirildiyi məkan isə qeyd edilməyib. Xatırladaq ki, iki “Oskar” mükafatı laureatı Codi Foster 2013-cü ilin yanvarında mərasimlərdən birində özünün homoseksual olduğunu etiraf etmişdi. Qeyd edək ki, ulduz 20 il prodüser Sidni Bernardla evli olub və iki övladı var.

   Meksikada doğulub Keniyada böyüyən qaradərili aktrisa Lupita Nyonqo hər il dünyanın ən gözəl qadınlarını seçən “People” jurnalının üz qabığında yer alıb.  Sözügedən jurnal, uşaqlığında həm dərisinin rəngi, həm də bədən quruluşuna görə kompleksləri olan Nyonqonun “Dünyanın ən gözəl qadını” seçilməsi xəbərinə çox sevindiyini qeyd edib.  Əlli nəfərlik siyahıda Lupita Nyonqodan əlavə,  Kerri Rassel, Cenna Devan-Tatum, Pink, Ember Herd kimi məşhur qadınlar da yer alıb.

 

Sahilə Aslanova

 

Muz-Tv.az