Zülfiyyə Xanbabayedan yeni xəbər var

Uzun müddətdir efirdən uzaqlaşmış xalq artisti Zülfiyyə Xanbabayeva haqqında təzə xəbər var. 

    Uzun müddətdir efirdən uzaqlaşmış xalq artisti Zülfiyyə Xanbabayeva haqqında təzə xəbər var. Axşam.az-ın məlumatına görə, xarici səfərdən yenicə qayıdan müğənni istirahətə getdiyini bildirib:  “Xaricə dincəlməyə gedirəm. Ruhum istirahət edir. Həm də orada konsertlərə gedirəm. Çox səviyyəli olur, zövq alıram”. Efirdə görünməməyinin səbəbini açıqlayan müğənni yaxın günlərdə konsert verəcək: “Şahmatçı Vüqar Həşimovun xatirəsinə Şəmkirdə keçiriləcək turnir çərçivəsində solo konsert verəcəm. Hazırda onun məşqlərini edirəm. Son vaxtlar efirə çıxmıram. Bu aləmdə xoşagəlməz hallar baş verir. Buna görə də öz qabıma çəkilmişəm”.

   “Eurovision 2014”-ün Azərbaycan təmsilçisi Dilarə Kazımova Avropa promo-turu çərçivəsində sonuncu səfəri Maltaya olacaq.  Artıq yola düşməyə hazırlaşan Kazımova öz təəssüratlarını bölüşüb: “Malta sehrli bir ölkədir. Bura barəsində çox eşitmişəm və nəhayət ki, həmin ölkəni canlı görmək imkanım olacaq. Düşünürəm ki, ilk səfərimdə oranın sakinləri ilə ünsiyyətdə olmağa vaxtım olacaq”. Xatırladaq ki, Dilarə səfəri zamanı Maltanın populyar teleşoularında iştirak edəcək.

    Xalq artisti Aygün Kazımova vətənə geri dönüb. Gecce.az xəbər verir ki,ifaçı aprelin 22-də işıq üzü görən yeni albomu “Coffee from Columbia”nı dostu Niyam Salamiyə hədiyyə edib. Xatırladaq ki,bir müddət əvvəl xalq artistiylə Niyam Salaminin küsülü olmağı haqqında şayiələr yayılmışdı.

    Müğənni Əbdül Xalidin boşanmasıyla bağlı şayiələr yayılıb. İfaçının meneceri Rüstəm İsmayılov açıqlamasında bildirib ki, gəzən şayiələr yalandır. “Bu söz-söhbətin kimlər tərəfindən yarandığını bilməsəm də, əmin olun ki, Xalid belə bir addım atmayıb. O, ailə həyatını bacardığı qədər mediadan uzaq saxlayıb. Hətta sabah onlar ailəvi olaraq Şəkidə qohumlarının birinin toyunda birgə iştirak edəcəklər” – deyə Rüstəm bəy bildirib. Qeyd edək ki, Əbdül Xalid 2010-cu ildə Nigar adlı xanımla ailə qurub. Cütlüyün Mədinə adlı bir qız övladı var.

 

Sahilə Aslanova

 

Muz-Tv.az