Emin: “Müştərilərə bütün qutab növləri təqdim olunur”
İfaçı-bəstəkar Emin Ağalarov “Time to Eat” qəzetinin ilk buraxılışında restoran biznesindən danışıb. İfaçı Moskvada fəaliyyət göstərən restoranında Azərbaycan milli...
İfaçı-bəstəkar Emin Ağalarov “Time to Eat” qəzetinin ilk buraxılışında restoran biznesindən danışıb. İfaçı Moskvada fəaliyyət göstərən restoranında Azərbaycan milli mətbəxinə üstünlük verdiyini bildirib. O, “sizin restorandakı menyu Azərbaycanın milli mətbəxindən nə ilə fərqlənir” sualına belə cavab verib:“Restoranımda Azərbaycan qutabı hazırlayırlar. Burada qutabın bir neçə növü – balqabaqlı, pendirli, göyərtili, ətli qutab var. Tək fərq odur ki, Azərbaycanda bu qutabları çox böyük edirlər. Burada müştəri gəlib bir qutab yesə doyacaq, başqa heç nə istəməyəcək. Mən də qərara gəldim ki, onların ölçüsünü balacalaşdırım. Müştərilərə bütün qutab növləri təqdim olunur. Beləcə onlar hamısının dadına baxırlar”.
Xalq artisti Brilliant Dadaşova türk telekanallarından yeni təklif alıb. Müğənniyə qardaş ölkədə yeni bir verilişin aparıcısı olmaq deyilib.
Bu haqda sosial şəbəkədə yazan B.Dadaşova qərarsız olduğunu bildirib: “Yenə də bir türk telekanalından mənə veriliş təklifi gəlib. Hər verilişdən gələn təklifi qəbul etməyən müğənnilər mənim proqramımda iştirak edirdilər. Yenə də bu məsuliyyəti üzərimə götürüb-götürməməyi düşünürəm”.
Müğənni Elariz Məmmədoğlu qızına təmtəraqlı toy edib. Mərasim "Ay işığı” restoranında olub. Məmmədoğlunun qızı Günel, Nizami adlı gənclə nikah masasına oturub. Toyu xalq artisti Səməd Səmədov idarə edib. Mərasimə şou-biznesin tanınmış simaları qatılıb. Ən maraqlısı isə bəylə gəlinin birlikdə mahnı oxuması olub. Qeyd edək ki, Elariz Məmmədoğlu iki qız, bir oğul atasıdır. Sənətçinin böyük qızı Ülviyyə ailəlidir, iki övladı var.
Meyxanaçı Namiq Qaraçuxurlu formada qalmaq üçün idmanla məşğul olur. Son vaxtlar özünü aktyor kimi də sınayan sənətçi oynadığı rolun formada qalmağı tələb etdiyini deyib: “Hər zaman formada qalmağa çalışıram. Ona görə də pəhriz saxlayıram, idmanla məşğul oluram. Həm seriala görə görünüşümə fikir verməliyəm, həm də özüm arıq olmaq istəyirəm”.
Sərvər Mehdiyev
Muz-Tv.az