Tolikə maraqlı hədiyyə olundu

Tanınmış prodüser Tolik (Tarix Əliyev) Naxçıvanda qonaq olub. Prodüser orada olarkən ona qeyri-adi - bəyaz rəngli royal hədiyyə edilib.

    Tanınmış prodüser Tolik (Tarix Əliyev) Naxçıvanda qonaq olub. Prodüser orada olarkən ona qeyri-adi - bəyaz rəngli royal hədiyyə edilib.Bakıya gətiriləndən sonra musiqi aləti qiymətli daş-qaşlarla bəzədilib. Prodüser hədiyyənin kimdən aldığını və kim tərəfindən bəzədildiyini açıqlamaq istəməyib.

    Müğənni Roza Zərgərli Mingəçevirdə konsert verəcək.  “Mənimlə mənsiz” adlı gecə Mingəçevir Dram Teatrında keçiriləcək. Konsertin təşkilatçısı “BEN production”dır. Mərasimdə  Roza ilə birlikdə rəqqasə Fatimə Fətəliyeva, gənc ifaçı Sevinc Ağaşirinova, Tural Əzimov və reper Qurd da iştirak edəcəklər.

    Türkiyə mətbuatı xalq artisti Aygün Kazımovanın qardaş ölkədə işıq üzü görən “Coffee from Columbia“ sinqlından yazıb. “Uçan kuş” maqazin saytı xalq artistinin Snup Doqla olan layihəsindən “Möhtəşəm duet” başlığı ilə bəhs edib. 

    Müğənni Ayan Babakişiyeva ana olduqdan sonra ilk dəfə canlı efirə çıxıb. Axşam.az-ın məlumatına görə, qonşu kanalların birində qonaq olan sənətçi qızından danışıb və xoşbəxt olduğunu deyib: “Qızıma yunan ilahəsinin adını qoydum: Selena. Selena  xanımları sevən, qoruyan ilahədir. Qızım mənə bənzəyir. Çox xoşbəxtəm, Allah bunu mənə çox görməsin”.

Fuad Oqtayoğlu

 

Muz-Tv.az