“Eurovision 2014” təmsilçimiz mahnısını türkcə səsləndirib

“Eurovision 2014” təmsilçimiz Dilarə Kazımova müsabiqə üçün hazırladığı “Start a Fire” mahnısını bu dəfə türkcə səsləndirib. Təmsilçimizin bu ifası da maraqla...

   “Eurovision 2014” təmsilçimiz Dilarə Kazımova müsabiqə üçün hazırladığı “Start a Fire” mahnısını bu dəfə türkcə səsləndirib. Təmsilçimizin bu ifası da maraqla qarşılanıb. Qeyd edək ki, Dilarə bəstəni bundan əvvəl Azərbaycan dilində də oxumuşdu. “Eurovision”un birinci yarımfinalı mayın 6-da, ikincisi 8-də, finalı isə 10-da baş tutacaq.

    Xalq artisti Aygün Kazımova bu gün səhər saatlarında Türkiyəyə yola düşüb. İti Prınsessanı da özü ilə aparan müğənni yeni layihələrini reallaşdırmağa getdiyini deyib. Bir neçə gün əvvəl Türkiyədə məşhur reper Snup Doqla dueti təqdim olunan xalq artisti növbəti sinqlı üzərində çalışır. O, açıqlamasında DMC musiqi şirkətinin imzası ilə hər ay bir sinql hazırlayacağını bildirib.

    Əməkdar artist Lalə Məmmədova ötən gün böyük qızı Nərgizlə birlikdə fotokameramıza tuş gəlib. Axşam.az-ın məlumatına görə, müğənni Yeganə Mürsəlovanın oğlunun kiçik toyuna qatılan sənətçi övladı ilə fotosessiya da etdirib. Ana olduqdan sonra bir müddət dəvətlərdən uzaq qalan L.Məmmədova yaradıcılıq işlərinə geri qayıtdığını bildirib. Xatırladaq ki, müğənninin bu yaxınlarda daha bir qız övladı dünyaya gəlib. Lalə ona Çinarə adını verib.

   Müğənni Azəri Günel Zeynalova dünən gecə xəstəxanaya aparılıb. Bu barədə sosial şəbəkədə yazan sənətçi özünü pis hiss etdiyini bildirib. O, miqrendən əziyyət çəkdiyini, həkim müdaxiləsindən sonra vəziyyətinin yaxşılaşdığını vurğulayıb.

 

Sevda Məmmədova

 

Muz-Tv.az