Vladimir Vinokur: “Bakılılar” sözü dünyanın hər yerində parol kimi səslənir”

Aprelin 28-də Heydər Əliyev Sarayında Rusiyanın xalq artisti Vladimir Vinokur möhtəşəm konsert proqramı ilə paytaxt sakinlərini sevindirib.

     Aprelin 28-də Heydər Əliyev Sarayında Rusiyanın xalq artisti Vladimir Vinokur möhtəşəm konsert proqramı ilə paytaxt sakinlərini sevindirib. Konsert aktyor və onun “Parodiya teatrı”nın musiqi nömrəsi ilə başlayıb.

     Daha sonra Vinokur qonaqları salamlayaraq bakılıları o ki var tərifləyib. Azərbaycanda bir çox incəsənət xadimi ilə olan dostluğundan danışan sənətkar xüsusilə Müslüm Maqomayevi xatırlamağı özünə borc bilib. Aktyor müğənni ilə olan xatirələrindən birini də qonaqlarla bölüşüb.

     Vladimir Vinokur konsert ərzində danışdığı ənənəvi monoloqları ilə qonaqları qəhqəhələrə boğub. Tədbirdə həmçinin aktyorun “Parodiya teatrı”nın təqdim etdiyi maraqlı yumorlar  və məşhurların parodiyaları da tamaşaçılara əyləncəli anlar yaşadıb.

 

Sahilə Aslanova

Çingiz Abdullayev

 

Muz-Tv.az