Ajda Pekkan Türkiyəyə əlil arabasında döndü

Dizlərindəki əzələ və sümük ağrılarına görə konsert proqramlarını təxirə salaraq Amerikada əməliyyat olmağa gedən Ajda Pekkan Türkiyəyə geri dönüb. 

    Dizlərindəki əzələ və sümük ağrılarına görə konsert proqramlarını təxirə salaraq Amerikada əməliyyat olmağa gedən Ajda Pekkan Türkiyəyə geri dönüb. Uğurlu əməliyyat keçirən  müğənni jurnalistlərə “Əməliyyat yaxşı keçdi. 15 gün müayinə edildim. Indi yaxşıyam. Amma özümə daha çox diqqət etməli olacağam” deyə açıqlama verib.  Ajda Pekkan daha sonra bacısı Semiramis Pekkanla birlikdə hava limanından uzaqlaşıb.

   “Oskar” mükafatı laureatı aktyor Corc Kluni 25 il sonra nikah masasına əyləşməyə hazırlaşır. Üstəlik ulduz bu dəfə razı salınan deyil, razı salan tərəf olub. Bir çox gözəl qadından sonra yaraşıqlı aktyorun qəlbini oğurlamağı bacaran vəkil Amal Alamuddin məşhur restoranların birində Corc Klunidən evlilik təklifi alıb.  Xatırladaq ki, Kluni daha əvvəl bir dəfə - 1989-cu ildə Talia Balzamla nikah masasına əyləşib.

    Londondan gələn atasını qarşılamaq üçün evdən çıxan türkiyəli müğənni Yusuf Güneyin mənzilinə oğrular girib. Cinayətkarlar sənətçinin yenicə aldığı avtomobilinin açarlarını götürərək maşını aparıblar. Bundan başqa, noutbuk, 10 min dollarlıq saat, pul qabı oğurlayan naməlum şəxslər hazırda axtarışdadırlar. Hazırda polis hər yerdə Yusuf Güneyə məxsus avtomobili axtarır.

    Amerikalı modelyer və aktrisa Meri Keyt Olsen və Fransanın keçmiş prezidenti Nikolya Sarkozinin qardaşı Olivye Sarkozi Nyu Yorkda 13.5 milyon dollarlıq ev alıb. 2 il əvvəl bunun yarı qiymətinə mənzil alan, amma orada yaşamayan cütlüyün yeni malikanəsində ziyafət salonu, lift, 5 yataq otağı var. sevgililər elə 740 kvadrat metrlik evlərində evlənməyi düşünürlər.

 

Sahilə Aslanova

 

Muz-Tv.az