Məşhur ingilis müğənni ikinci dəfə ata olacaq

Məşhur ingilis müğənni Robbi Uilyams ikinci dəfə ata olmağa hazırlaşır. 40 yaşlı ulduz rəsmi Twitter hesabından verdiyi açıqlamada “Ayda və mən qızımız Teodora Rouz

    Məşhur ingilis müğənni Robbi Uilyams ikinci dəfə ata olmağa hazırlaşır. 40 yaşlı ulduz rəsmi Twitter hesabından verdiyi açıqlamada “Ayda və mən qızımız Teodora Rouz Uilyamsın bu yaxınlarda bacı olacağını sizə bildirməkdən qürur duyuruq” –deyib. Xatırladaq ki, Robbi ilk dəfə ata olacağını da elə şəxsi profilindən açıqlamışdı.

    Hollivud ulduzu Cessika Alba reklam üzü olduğu bir dondurma firmasının Türkiyədə tanıtımı üçün kamera qarşısına keçib. Çəkilişlər Los Ancelesdəki Universal studiyalarında reallaşıb. May ayında İstanbula gedəcəyini deyən Alba: “İlk dəfə ora gedəcəyəm. Şəhərin bütün tarixi gözəlliyini kəşf etmək üçün səbirsizlənirəm” –deyib.

    Populyar müğənni Şakira oğlunun yeni fotosunu internetdə yayımlayıb. 15 aylıq körpənin xüsusilə Şakiraya çox bənzəməsi diqqət çəkib. Ulduz bundan sonra da heyranlarını yeni şəkillərlə sevindirəcəyinə söz verib. Xatırladaq ki, Şakira Milan Pike Mübarəki 2013-cü il yanvarın 22-də dünyaya gətirib.

    İspaniyalı aktyor Antonio Banderas və həyat yoldaşı Melani Qriffitin nikahı təhlükə altındadır. Cütlüyün yaxınları hətta məsələnin boşanmaya qədər gedə biləcəyini iddia edib. Şayiələrə səbəb isə aktyorların Milad bayramını ayrı qeyd etmələri olub. Qərb mətbuatı Banderas və Qriffit arasındakı problemlərin 2013-cü ildən başladığını bildirib. Gəzən dedi-qodulara görə, Melani Qriffit Banderasın həddən artıq çox işləməsindən şikayətlənib və bununla da evli cütlük arasında mübahisə başlayıb. Antonionun isə ciddi cəhdlə ailəsini qorumağa çalışdığı söylənilir.

 

Sahilə Aslanova

 

Muz-Tv.az