Tanınmış gürcü müəllifinin əsəri əsasında hazırlanan tamaşa təqdim olundu

Ötən gün Akademik Milli Dram Teatrının kiçik səhnəsində “Məqam” adlı tamaşanın premyerası keçirilib. 

    Ötən gün Akademik Milli Dram Teatrının kiçik səhnəsində “Məqam” adlı tamaşanın premyerası keçirilib. Gürcü müəllifi Gela Dumbadzenin “Gecə qonağı” əsəri əsasında hazırlanmış tamaşanın quruluşçu rejissoru Gümrah Ömər, rejissoru Aysel Əmiraslanovadır. Tamaşada əsas rolları əməkdar artist Vidadi Həsənov, aktyorlar Amid Qasımov və Könül Cəfərzadə canlandırıb.

    Gela Dumbadzenin “Gecə qonağı” əsəri əsasında hazırlanan tamaşa “Məqam” adı ilə tamaşaçılara təqdim olunub. Tamaşanın əsas mövzusu intihardır. Belə ki, dövlət müşaviri vəzifəsinə yüksəlmək üçün ona sadiq olan insanları qurban verən istedadlı və bacarıqlı şəxs sonda kimsəsiz və yararsız olduğunu anlayıb intihar etmək qərarına gəlir. Məhz intihara cəhdlər etdiyi məqamda itirdiyi mənəvi dəyərləri özü üçün yenidən kəşf edib, ilahi və mənəvi dəyərlərin onun həyatındakı rolunu anlayır.

    Qeyd edək ki, 1 hissəli tamaşanın xronometrajı 75 dəqiqədir.

 

Sərvrər Mehdiyev

Bəxtiyar Nəsirov

 

Muz-Tv.az