Tolik və Röyadan eyni görüntü
Prodüser Tarix Əliyevin ötən gün İnstaqramda paylaşdığı foto diqqət çəkib. Tolikin başındakı taca bir müddət əvvəl Röyada da rast gəlinmişdi.
Prodüser Tarix Əliyevin ötən gün İnstaqramda paylaşdığı foto diqqət çəkib. Tolikin başındakı taca bir müddət əvvəl Röyada da rast gəlinmişdi. Bir neçə gün əvvəl eyni tacı başına qoyan müğənninin fotosu sosial şəbəkədə yayılmışdı.
Dünən müğənni Mənzurə Musayevanın ad günü olub. Axşam.az-ın məlumatına görə, sənətçi bu münasibətlə təmtəraqlı məclis təşkil edib. Tədbirə gələnlər arasında müğənnilər Cavanşir Məmmədov, Nüşabə Ələsgərli, Ədalət Şükürov, Nadir Qafarzadə, Əlikram Bayramov və başqaları yer alıb. Həmkarları Mənzurəni çiçək yağışına tutublar. Gecədə sənətçiyə brilyant qaşlı boyunbağı hədiyyə edilib. Mənzurə Musayevanın ad günündən fotoları təqdim edirik.
Müğənni Günay İbrahimli yeniliklərə imza atacaq. Bu haqda SİA-ya sənətçinin özü ətraflı məlumat verib: “Qala” qrupunun solisti Ceyhunla səsləndirdiyim “Bəlalım" mahnısını lentə aldırıram. Klipi Rza Əsgərov çəkir. Çəkilişimiz açıq havada həyata keçir”. Günay iyun ayında verəcəyi konsertindən də söz açıb: “İyun ayının 7-də Rafet El Romanla eyni səhnəni bölüşəcəyik. İlk olaraq Rafet, daha sonra mən səhnəyə çıxacam. Konsert zamanı sevilən bəstələrimlə yanaşı, yeni mahnılarımı da ifa edəcəm”. Qeyd edək ki, konsertin təşkilatçılığını Nahid Emiloğlu edəcək.
Eurovision 2014” mahnı müsabiqəsində Azərbaycanı təmsil edəcək müğənni Dilarə Kazımova Macarıstan nümayəndəsi Andraş Kallay-Sonders ilə birlikdə Danimarkada heyvan sığınacağını könüllü ziyarət edib. Müsabiqə təmsilçiləri sığınacağı gəzdikdən sonra heyvanların necə müalicə olunmaları ilə tanış olublar. Daha sonra cütlük Nana və Cek Rassel Terrier adlı itlərlə gəzintiyə çıxıb, "Sevgi ilə Macarıstandan", " Sevgi ilə Azərbaycandan" deyərək itlərlə oynayıblar.
Dilarə Bakıda heyvanların qorunmasında xüsusi fəallıq göstərdiyini bildirib: “Mən xəzdən olan geyimlər geyinmirəm və cəmiyyətdə heyvan hüquqları üzrə maarifləndirmə məqsədi ilə keçirilən xeyriyyə tədbirlərində iştirak edirəm. Bəlkə mən də bir gün Bakıda heyvan sığınacağı açaram”. Qeyd edək ki, Andraş Kallay-Sonders haqda danışan Azərbaycan təmsilçisi onun gözəl və cazibədar oğlan olduğunu bildirmişdi.
Sevda Məmmədova
Muz-Tv.az