Fransalı tanınmış müğənnilər Bakıda konsert verəcək

Mayın 12-də Heydər Əliyev Sarayında Mədəniyyət və Turizm Nazirliyinin təşkilatçılığı ilə fransız estrada ulduzlarının böyük konsert proqramı...

    Mayın 12-də Heydər Əliyev Sarayında Mədəniyyət və Turizm Nazirliyinin təşkilatçılığı ilə fransız estrada ulduzlarının böyük konsert proqramı keçiriləcək. “Parisdən məhəbbətlə” adlanan konsertdə Dani Brillant, Jüli Zenatti, Hyuges Ofrey, Çimene Badi, Jerar Lenorman və Jülyen Dassin kimi estrada ulduzları iştirak edəcəklər.  Saat 20:00-da başlayacaq konsertin biletlərinin qiyməti 10-30 manatdır. 

    Türkiyənin bir neçə məşhur rok qrupu Bakıya gələcək. Axşam.az-ın məlumatına görə, “Manqa”, “Mor və ötesi”, “Duman” və başqa bir neçə qrup Bakıda konsert verməyə hazırlaşır. Tədbir iyunun 13-də Tofiq Bəhramov adına stadionda gerçəkləşəcək.

   Türkiyəli müğənni Hadisə Azərbaycana gələcək. Bu haqda prodüser Tolik İnstaqram səhifəsində xəbər verib. O, ifaçının mayın 7-də Gəncədə konsert verəcəyini bildirib: "Gəncə Şəhər İcra Hakimiyyətinin keçirdiyi "Gül bayramı" və ulu öndərimiz Heydər Əliyevin 91 illiyi münasibətilə türkiyəli pop ulduz Hadisə canlı performansı, rəqqasları ilə birlikdə Gəncə sakinlərinin qonağı olacaq".

    Müğənni Elnarə Xəlilova sosial şəbəkəyə həsr etdiyi mahnısını təqdim edib. İfaçı sözləri və musiqisi Zülfi Bədəlova məxsus olan “Like elə” mahnısı dinləyicilərin ixtiyarına verib.  Elektro-pop janrında olan mahnını Vaso Qarayev aranjiman edib.

    Müğənni Röya Ayxan sosial şəbəkədə oğlu Hüseynlə birlikdə çəkdirdiyi təzə fotosunu paylaşıb. Qısa şortikli sənətçi şəkli bağda çəkdirdiyini bildirib. Röya fotonun yanına “Həyətimizdə abadlıq işləri: bu gün bizə düşüb” sözlərini yazıb.

 

Sevda Məmmədova

 

Muz-tv.az