Sevda və Eltonun konsert biletinin qiyməti açıqlandı

Müğənni Sevda Yahyayeva və Elton Hüseynəliyevin konsert biletlərinin qiyməti açıqlanıb.

   Müğənni Sevda Yahyayeva və Elton Hüseynəliyevin konsert biletlərinin qiyməti açıqlanıb. Axşam.az-ın məlumatına görə, konsertin təşkilatçısı, prodüser Tolik xeyriyyə məqsədi ilə keçiriləcək gecəyə biletlərin 10-30 manat arası qiymətə satılacağını bildirib: “Bu konsertdən nə Sevda, nə Elton, nə də mən gəlir götürmürük. Məqsədimiz köməyə ehtiyacı olan iki körpənin müalicə pulunu toplamaqdır. Heydər Əliyev Sarayının kirayə haqqını isə “Məlahətli ana” xeyriyyə cəmiyyəti ödəyir. Saray rəhbərliyi isə bizə lazımı endirimləri etdi. Biletləri ucuz qiymətə satışa çıxarırıq ki, məbləğ toplansın. Gecənin aparıcıları Afaq Gəncəli və Şəhriyar Əbilov olacaq”.

   Rejissor Kənan  M.M imicində dəyişiklik edib. Uzun illərdir saqqalla gəzən rejissor dünən onları kəsdirib. Yeni fotosunu İnstaqram səhifəsində paylaşan Kənan “On il sonra saqqallar kəsildi. Bəlkə də düz etmədim” deyə yazıb.

   Reper Qurd mərhum sənət yoldaşı Hüseyn Dəryanın xatirəsinə “Keyf elə” mahnısını həsr edib. SİA-nın verdiyi xəbərə görə,  yeni aranjimanda olan “Keyf elə”nin müəllifi Nadir Nağd Puldur. Qeyd edək ki, Qurd Dəryanın sağlığında “Keyf elə” mahnısının icazəsini alıb.

   Müğənni Xatun həmkarı Ramal İsrafilovu qınayıb. SİA-ya danışan Xatun Ramalın yeni lentə aldırdığı klipi bəyənmədiyini bildirib: “Ramalı həmkar olaraq çox istəyirəm. Düşünürəm ki, mənim iradımı düzgün qəbul edəcək. Ramalın “Biletini alma” klipini bəyənmədim. Ekran əsərində anlaşılan məqamlar çox azdır. Bu iradımı Ramalın özünə də söyləmişəm. O, mənim bu fikrimdən incisə də, sonradan qəbul etdi. Çünki sözügedən klip Youtube kanalında yoxdur. Gələcəkdə Ramaldan daha uğurlu layihələr gözləyirik”. 

 

Sevda Məmmədova

 

Muz-Tv.az