Bu gün "Eurovision 2014"ün ilk yarımfinalı reallaşacaq
Bu gün Bakı vaxtı ilə saat 00:00-da Danimarkanın paytaxtı Kopenhagendə “Eurovision 2014” mahnı yarışması start götürür.
Bu gün Bakı vaxtı ilə saat 00:00-da Danimarkanın paytaxtı Kopenhagendə “Eurovision 2014” mahnı yarışması start götürür.Yerli telekanalların birində canlı yayımlanacaq birinci yarımfinalda yarışacaq Azərbaycan təmsilçisi Dilarə Kazımova 16 ifaçı arasında 8-ci sırada yer alıb. Ikinci yarımfinal mayın 8-i, final gecesi isə 10-u reallaşacaq. “Muz Life” olaraq təmsilçimizə uğurlar arzulayırıq.
Müğənni Könül Kərimova sevgidən danışıb. Sənətçi həyatında sevginin böyük rol oynadığını deyib: “Sevgi çox vacibdir. Onsuz qadın kobudlaşır. Sevgidə ünvan önəmli deyil, əsas onu yaşamağı bacarmaqdır. Hər zaman özüm kimi olmağa çalışmışam. Bəzən səhnədə hansısa mahnıya görə rola girirəm, ancaq bütün həyatım boyu rola girib yaşaya bilmərəm, ölərəm, sonum gələr. Özüm olmasam, ürəyim partlayar. Mənə hər zaman deyirlər ki, heç dəyişmirsən, olduğun kimi qalmısan. Bu səmimilikdəndir. Mən gözəl qadın olmamışam. Zamanla öz üzərimdə işləyib, indiki halıma düşmüşəm”.
Müğənni Elvin Abdullayev “Ayrılıb gedərəm” adlı yeni mahnısını dinləyicilərinin ixtiyarına verib. Axşam.az-ın məlumatına görə, bəstənin sözləri Altay Yaşara, musiqisi Ruslana aiddir. Sənətçinin həmin mahnısını “Muz Life” olaraq təqdim edirik.
Müğənni Ayan Babakişiyeva repertuarına ritmik mahnı daxil edib. Axşam.az-ın məlumatına görə, “Qorxuram gecələrdən” adlanan bəstəyə qrafist Asif Bafoğlu sənətçinin yeni fotosessiyalarından ibarət video çarx da hazırlayıb. O, bununla Ayana hədiyyə etdiyini bildirib. Mahnıya tezliklə klip çəkdirəcəyini deyən Ayan onu rejissor Ceyhun İbrahimoğluna həvalə edəcəyini bildirib. Xatırladaq ki, mahnının musiqisi Elçin İmanova, sözləri Zemfira Əlişqızına məxsusdur. Ayan deyib ki, “Qorxuram gecələrdən” mahnısı qəmgindir, amma çox dinamik, gözəl bəstədir: "Bəstəni o qədər gözəl əhval-ruhiyyə ilə ifa etmişəm ki, istəyirəm klip də maraqlı olsun”.
Sərvər Mehdiyev
Muz-Tv.az