Sevdanın toyu olacaq

Bir vaxtlar rəqqasə, daha sonra Tutu, İndi isə müğənni Sevda Sanaliyeva kimi tanınmağa çalışan sənətçi gündəmi ayağa qaldıracaq açıqlama edib. 

   Bir vaxtlar rəqqasə, daha sonra Tutu, İndi isə müğənni Sevda Sanaliyeva kimi tanınmağa çalışan sənətçi gündəmi ayağa qaldıracaq açıqlama edib. Muz TV-nin səhər proqramı “ Xoş gördük” verilişinin qonağı olan Sevdanın mayın 25-i vətənimizdə konserti baş tutacaq Türkiyənin məşhur müğənnisi  Gülşənin “Yatcaz, kalkcaz” adlı mahnısına müraciət etməsi diqqətimizdən qaçmayıb: “ Çünki mahnı sevilir. Ona görə sevilən mahnını oxumaq lazımdır. Amma konsertinə getmərəm. Mən niyə gedirəm onun konsertinə, o mənim konsertimə gəlsin”.

   Şou-biznesin növbəti nümayəndəsi Sanaliyevanın evindən vağzalı səsi gələcək. Müğənninin dediyinə görə, o da gəlin köçəcək: “ Sizi toyuma dəvət edirəm. Tarix dəqiqləşsin deyəcəyəm. Evlənəcəyim şəxs bizim sənətdən deyil. Anam məni bu sənətdə nə qədər dəstəkləyirsə, o, ondan da çox dəstəkləyir”.

   Qısa geyinən sənətçilər arasında adı çəkilən Sevda, bu məsələdə daha da ifrata varanları qınayıb: “ Qadının qadınlığı qalmayıb, kişinin kişiliyi. Soyunmaq avropalaşmaq deyil. Qısa geyinmək olar, mən də qısa geyinmişəm, amma soyunmaq başqa şeydir”.

   Onu da qeyd edək ki,  ifaçının  haqqında danışmaqdan yorulmadığı “Sus Bakım” adlı mahnısına rejissor Nail Naiboğlu klip çəkəcək.

 

Sevda Məmmədova

Ramal Gülməmmədov

 

Muz-Tv.az