Brüs Uillis 5-ci dəfə ata oldu

Dünyaşöhrətli aktyor Brüs Uillis yenidən ata olub. 59 yaşlı ulduzun gənc həyat yoldaşı Emma Hemminq dünyaya gözəl bir qız uşağı gətirib. Körpə 3 kiloqram 200 qram

   Dünyaşöhrətli aktyor Brüs Uillis yenidən ata olub. 59 yaşlı ulduzun gənc həyat yoldaşı Emma Hemminq dünyaya gözəl bir qız uşağı gətirib. Körpə 3 kiloqram 200 qram çəkisindədir. Xoşbəxt valideyn qızı Evelin Penn adlandırıb. Xatırladaq ki, Uillisinin bundan əvvəl üçü Demir Murdan, biri isə hazırki həyat yoldaşından olan 4 qızı var idi.

   Bir-birinin ardınca yeni kliplərini təqdim edən Şakira ənənəsinə sadiq qalıb. Belə ki, müğənni “Dare” mahnısına çəkilən yeni video çarxı yayımlayıb. O qədər də maraqlı səhnələri olmayan ekran əsəri yalnız kompozisiyadakı elektron musiqi elementləri ilə diqqət çəkir. Klipin əvvəlindən axırına kimi Şakira qara libasda rəqs edir. Qərb mətbuatı ulduzun video çarx üçün nəzərdə tutulan büdcəni yalnız kütləvi səhnələrə ayırdığını iddia edib. Şakira bu dəfə də ekran əsərində kişi tərəf müqabili olmadan rol alıb.  Xatırladaq ki, müğənni müsahibələrindən birində futbolçu Jerard Pikenin çox qısqanc olduğunu və onu digər kişilərlə birlikdə görmək istəmədiyini söyləmişdi.

   Türkiyəli müğənni Fərhad Göçər və kinotənqidçi Ömür Gedik ortaq qərarla ayrılıblar. Yeddi ildir birlikdə olan cütlük məlumatı media vasitəsilə rəsmi şəkildə təsdiqləyib.

   “Vogue” jurnalının redaktoru və dəb dünyasında nüfuzlu adlardan biri olan Anna Vintur Nyu Yorkda MET qalası təşkil edib. Amerikalı dizayner Çarlz Ceymsin xatirəsinə həsr olunan gecə ulduz axınına uğrayıb. Gecənin ev sahibinin tələbi ilə keçən il 10 min dollara satılan dəvətnamələr bu il 25 min dollara satışa çıxarılsa da, mərasimə maraq olduqca böyük olub. Ənənəyə sadiq qalaraq məşhurlar qalanın keçirildiyi Metropoliten muzeyinin qırmızı xalısında gözəllikləri ilə diqqət çəkiblər. Gecədə Şarliz Teron-Şon Pen, Bleyk Layvli-Rayan Reynolds, Conni Depp-Ember Herd cütlükləri xüsusilə bəyənilib. Super model Keyt Aptonun libası tənqidçilər tərəfindən mərasimin ən pisləri arasında göstərilib. Rihanna isə ağ geyimi ilə diqqət cəlb edib.

 

Sahilə Aslanova

 

Muz-Tv.az