Ezo Rafetlə yenidən bir araya gəldi

Azərbaycanlı ifaçı Ezo türkiyəli müğənni Rafet El Romanla növbəti duetini oxuyub. “Git deyəməm” adlı mahnıya cütlük klip də çəkdirib.

   Azərbaycanlı ifaçı Ezo türkiyəli müğənni Rafet El Romanla növbəti duetini oxuyub. “Git deyəməm” adlı mahnıya cütlük klip də çəkdirib. Qeyd edək ki, Rafet El Roman və Ezonun ilk dueti “Kalbinə sürgün” mahnısınaolub.

   Müğənni Nadir Qafarzadə “Maral” mahnısının yeni versiyasını təqdim edib. O, bildirib ki, bəstənin yeni versiyası Türkiyədə hazırlanıb: “Nəhayət, xeyli müddətdir gözlədiyim “Maral” mahnısını dinləyicilərin ixtiyarına verdim. Amma bu iş mənə asanlıqla başa gəlmədi. Mahnının yeni versiyasında xeyli sayda canlı alətdən istifadə olunub. Sözün düzü “Maral” mahnısının müxtəlif üslublarda mənə təqdim etmişdilər. Amma bəyənməmişdim. Ən sonuncu hazırlanan versiyanı isə ilk eşitdiyim andan etibarən bəyəndim”.

   Müğənni Röya Ayxan dünən Bərdəyə gedib. Sənətçi babası və əmisi ilə çəkdirdiyi fotoları İnstaqram səhifəsində paylaşıb. Röya fotoların yanından “Ailəmiz böyükdür. Bir sözlə, Ağdam bizimdir” şərhini yazıb. Sənətçinin ailəsi ilə olan həmin fotolarını təqdim edirik.

  Müğənni Lətifə Soyuöz yeni geyim tərzi ilə diqqət çəkib.Hər zaman rok stilində görünən sənətçi bu dəfə əsgər libası geyinib. Studioda mahnı yazdırarkən çəkdirdiyi fotoları İnstaqram səhifəsində paylaşan Lətifə yeni bəstələr üzərində çalışdığını vurğulayıb.

 

Sərvər Mehdiyev

 

Muz-Tv.az