Azərbaycan “Eurovision”da 22-ci yerlə kifayətlənməli oldu

“Eurovision-2014” mahnı müsabiqəsinin qalibi bəlli olub. Səsvermə nəticəsində Avstriyalı təmsilçi Konçita Vurst qalib gəlib. 

   “Eurovision-2014” mahnı müsabiqəsinin qalibi bəlli olub. Səsvermə nəticəsində Avstriyalı təmsilçi Konçita Vurst qalib gəlib. O, 290 xalq toplayaraq birinci yeri qazanıb. İkinci yerdə 238 xalla Hollandiya təmsilçisi İlse Delange qərarlaşıb. İsveç təmsilçisi Sanna Nielsen isə 218 xalla üçüncü yeri tutub.  Azərbaycanı “Start a fire” mahnısı ilə təmsil edən Dilarə Kazımova yarışmada uğursuz nəticə əldə edərək 22-ci sırada qərarlaşıb.  Qeyd edək ki, Azərbaycan 8 xalını Macarıstana, 10 xalını Ukraynaya, 12 xalını isə Rusiyaya verib.

    Hamilə olan əməkdar artist Manana yeni klipini təqdim edib. Axşam.az-ın məlumatına görə, “Gözlərin danışsın” adlı mahnının ekran işi rejissor Nail Naiboğluna həvalə olunub. Bəstənin sözləri İkram Əliyeva, musiqisi Nailə Mirməmmədliyə, aranjimanı isə Givi Usenaşviliyə aiddir. Qeyd edək ki, Manana 6 aylıq hamilədir. Müğənni oğlu olacağını bildirib.

   Tez-tez fərqli saç düzümündə görünən müğənni Sevda Yahyayeva yenə də imicini dəyişib. Sənətçi bir müddət əvvəl sarı rəngə boyatdığı saçlarını qara edib.  Yeni fotosunu sosial şəbəkədə paylaşan Sevda sevənlərindən “Gözlədiyim saç rənginin sonu. Necədir? Yaraşır?” deyə soruşub.

   Müğənni İlhamə Qasımova həyat yoldaşı ilə qeyri-rəsmi nikahda olduğunu deyib. Müğənni dini kəbin kəsdirdiyini, amma rəsmi nikaha girmədiyini bildirib. O, özünü  belə daha xoşbəxt saydığını deyib: “Dini nikahım var, məncə, əsas budur. Rəsmi nikaha gəlincə, əsas xoşbəxtlikdir. Əslində mənim həyatımda gizli heç nə yoxdur. Nikah ondan ötrüdür ki, boşananda qadının təzminatı ödənsin. Mənim bu sənəd işlərindən heç xoşum gəlmir. Məhkəməyə get, sənədlər yığ və sairə.  Əsas dini nikah və bir də insanın özünü necə xoşbəxt hiss etməsidir”.

 

Sahilə Aslanova

 

Muz-Tv.az