Kristina Aqileranın görünüşü hər kəsi təəccübləndirdi

Övladı olduqdan sonra çətinliklə arıqlayan və yenidən ana olmağa hazırlaşan müğənni Kristina Agilera bu dəfə ailəsi ilə birlikdə kameralara tuş gəlib. 

    Övladı olduqdan sonra çətinliklə arıqlayan və yenidən ana olmağa hazırlaşan müğənni Kristina Agilera bu dəfə ailəsi ilə birlikdə kameralara tuş gəlib. Ulduzun hədsiz kökəldiyi diqqətdən qaçmayıb. 6 yaşlı oğlu Maks və 28 yaşlı sevgilisi Metyu Ratlerlə gəzərkən paparazzilərin hədəfinə çevrilən ifaçının qız övladı olacağı deyilir. Uzun əziyyətdən sonra arıqlayaraq hər kəsə gözəl bədənini nümayiş etdirən Kristinanın bu fotoları böyük səs-küy doğurub.

    Amerikalı müğənni Beyons həyat yoldaşı Cey Z ilə birlikdə NBA matçını izləyərkən görüntülənib. Cütlük bununla mayın 5-də Beyonsun bacısı, müğənni Solanj Noulislə Cey Z arasında Nyu-York otellərindən birinin liftində baş vermiş münaqişənin münasibətlərinə təsir etmədiyini göstərmək istəyib. Xatırladaq ki, internetdə Kostyum İnstitutunun keçirdiyi "Met Qala" gecəsində olmuş hadisənin videosu yayılmışdı. Videoda Solanjın Cey Z-ni vurduğu, qarşı tərəfin isə özünü qorumağa çalışdığı və mühafizəçilərin gənc qadını uzaqlaşdırdığı görünür.
Hazırda görüntünün internetə  kim tərəfindən sızdırıldığı araşdırılır. Otel rəhbərliyi hadisə ilə bağlı açıqlamasında təqsirkarın tezliklə tapılıb cəzalandırılacağına söz verib.

    Dörd il əvvəl bir mülkü 13 milyon lirəyə alan Seda Sayan məkanın baxçasındakı restoranı oğlu Oğulcan Enginə hədiyyə edib. Müğənni üç ildir işlətdiyi “Home Store”-un kirə müqaviləsinin bitməsindən sonra bu qərara gəlib. Seda restoranın Milanda təhsil alan oğlu üçün məzuniyyət hədiyyəsi olacağını deyib. Açılış üçün hazırlıqlar qış mövsümünə qədər tamamlanacaq.

    20 yaşlı müğənni Castin Biberin 38 yaşlı anası Patti Mallette üçün Steples mərkəzində təşkil etdiyi Analar günü sürprizi medianın gündəmini zəbt edib. Belə ki,  monitora anası ilə birlikdə fotolarını yerləşdirən və “Analar günün mübarəkdir!” yazdıran Castin Patti Malletteni sevindirsə də, tamaşaçıların etirazı ilə üzləşib. Səs-küyə fikir verməyən Biber anası ilə çoxlu şəkillər çəkdirərək onu öpüşlərə qərq edib.

 

Sahilə Aslanova

 

Muz-Tv.az