Mila Kunis paparazzilərə hücum etdi

Ana olmağa hazırlaşan Hollivud ulduzu Mila Kunis hər addımının paparazzilər tərəfindən izlənməsindən narahat olmağa başlayıb. 

   Ana olmağa hazırlaşan Hollivud ulduzu Mila Kunis hər addımının paparazzilər tərəfindən izlənməsindən narahat olmağa başlayıb. Belə ki, Eşton Katçerlə birlikdə əyləncəli vaxt kerçirmək istəyən aktrisa getdiyi hər məkanda görüntüləndiyi üçün böyük narahatlıq keçirib. Bu yaxınlarda yenə fotokameralara tuş gələn Kunis  paparazzilərə hücum çəkib. Onlarla əməlli-başlı dalaşan aktrisa rahat yaşamaq istədiyini deyib. Hətta məsələyə Katçer də qarışmalı olub. O, sevgilisini sakitləşdirməyə çalışıb.

   Aktrisa Culiya Roberts ailəsi ilə birlikdə Havay adalarında dincəlir. 46 yaşlı Hollivud ulduzu öz həyat yoldaşı və uşaqları ilə maraqlı zaman keçirib. Paparazzilərin hədəfinə tuş gələn ailənin xoşbəxt olduğu diqqətdən qaçmayıb.

   Türk seriallarının Orta Şərq ölkələrində yayımlanması və böyük maraq görməsi Ərəb prodüserlərinin diqqətini cəlb edib.  Belə ki, “Möhtəşəm yüz il” serialında rol aldıqdan sonra Şərq ölkələrində böyük heyran kütləsi toplayan aktyor Burak Özçivitə Dubaydan təkliflər yağır. 13 bölümlük bir layihə üçün 1 milyon dollar məvacib alacağı bildirilən Özçivit isə prodüser şirkətinə hələ bir cavab verməyib.

   Hollivudun ən məşhur cütlüyü Ancelina Coli ilə Bred Pittin ilk doğma qızları Şiloh Coli Pitt Nyu Yorkda böyük qardaşı Paks Tien Coli Pittlə birlikdə gəzərkən fotokameralara tuş gəlib. Mühafizəçilərin müşayiəti ilə gəzən səkkiz yaşlı Şiloh yenə oğlan geyimində olub. Üç il əvvəl təkidlə kəsdirdiyi saçları da hələ uzanmayıb.Balaca qızın bu görünüşü Ancelina Colinin bir neçə il əvvəl " Vanity Fair" jurnalına müsahibəsində dediyi "böyük qızımız Şiloh oğlan olmaq istəyir, biz də onun arzusunu nəzərə alıb saçlarını kəsdirdik" sözlərini yenidən gündəmə gətirib. Elə Bred Pitt də müsahibələrinin birində qızının öz adını sevmədiyini bildirərək "Şiloh deyəndə reaksiya vermir, onu Con  adlandırmağımızı istəyir. Con "Piter Pen" nağılının qəhrəmanı Vendinin qardaşının adıdır" deyə əlavə etmişdi. Qeyd edək ki, Şilohun bu qəribə davranışı valideynlərini narahat etmir. Onlar bunu yaradıcı fantaziyanın əlaməti hesab edirlər.  

 

Sahilə Aslanova

 

Muz-Tv.az