Brilliant Dadaşova hansı kişi həmkarı ilə küsülüdür?

Xalq artisti Brilliant Dadaşovameyxanaçı Namiq Qaraçuxurlu ilə küsülü olması haqda xəbərlərə aydınlıq gətirib: “Konsertlərin birində Namiqlə bir yerdə idik.

    Xalq artisti Brilliant Dadaşovameyxanaçı Namiq Qaraçuxurlu ilə küsülü olması haqda xəbərlərə aydınlıq gətirib:  “Konsertlərin birində Namiqlə bir yerdə idik. Kameralar bizi yanyana görüntüləməyib. Getmişəm evə, zənglər gəlir ki, Brilliant xanım, Namiq sizi görüb salam verməyib. Aranızda küsülülük var? Qalmaqal yaratmaq lazım deyil. Namiq mən səhnəyə çıxanda yaxınlaşdı, üzümdən öpdü. Dedi ki, Brilliant xanım, mənim çıxışım bitdi, gedirəm. Sənət aləmində olan bütün kişi həmkarlarım mənim qardaşımdır. Həmin konsertdə mənə yaxınlaşıb salam verməsəydi də, inciməyəcəkdim. Sənətimdəki yeniliklərdən, konsertlərimdən yazmırlar. Belə qalmaqallara biz imkan yaratmışıq. Bu ara meymunlarını çox işıqlandırmaqla insanların fikirlərinə təsir edirik. Hamı elə bilir ki, bu  cür xəbərlər yaxşıdır. Əgər əvvəllər bu dedi-qoduya imkan verməsəydik, ardı belə davam etməzdi”.
   Müğənni Nadir Qafarzadə “əjdaha” titulundan imtina edib.O, artıq sənətdə birinci olmaq istəmədiyini bildirib: “Sənətdə birinci olanda insanın başı ağrıyır. Hamı onun haqqında dedi-qodular yayır. Daha birinci olmaq istəmirəm, ikinci, üçüncü olmaq mənə bəs edir. Hamı mənə “əjdaha” deyir. Artıq bu titulu da istəmirəm. İstəyirəm, mənə bu adla müraciət etməsinlər, ancaq bir işə yaramır, yenə deyirlər. Özümü nadir kimi hiss edirəm. Mən şou-biznesin nadir Nadiriyəm. Bunu qəbul etsinlər. Ünvanıma da söz atmasınlar, çünki cavab verən deyiləm. İşlərimlə məşğulam”.

    Müğənni Zamiq Hüseynovun son vaxtlar mediada görünməməyi diqqət çəkib. sənətçi bunun səbəbini özünü efirdə tez-tez görməkdən bezdiyini deyib: “Yeni klipimə təqdimat keçirmədim. Səs-küy yaratmaq istəmirəm. Təqdimat keçirmək sənətə yeni gələn müğənnilərə lazımdır. Mən də təzə vaxtlarımda kliplərimi belə səs-küylü məclislərdə təqdim edirdim. Hazırda buna ehtiyac görmürəm. Daha böyük layihələr hazırlayıb, onları ictimaiyyətə tanıtmağa üstünlük verirəm. Şou əhlinin olduğu məkanlara az-az gedirəm. Yalnız yaxın dostlarımın dəvətini qəbul edirəm, oradan da tez çıxıram. Bir ara hansı efirə baxırdım, özümü görürdüm, bezmişdim. Ona görə də geri çəkilmək qərarına gəldim\"

    Müğənni Gülay Zeynallı və idmançı həyat yoldaşı Kamil Zeynallı cütlüyü istirahətə yollanıb.  Bölgələrə gedən cütlük fotolarını İnstaqram səhifəsində paylaşıb. Gülay və Kamilin istirahət şəkillərini təqdim edirik.

 

Sərvər Mehdiyev

 

Muz-Tv.az