Elton və Sevda verəcəkləri xeyriyyə konsertindən danışdılar

Sevda Yahyayeva və Elton Hüseynəliyev xeyirxah bir missiyanı yerinə yetirmək üçün mediya əhlini başlarına toplayıb mətbuat konfransı keçiriblər. 

    Sevda Yahyayeva və Elton Hüseynəliyev xeyirxah bir missiyanı yerinə yetirmək üçün mediya əhlini başlarına toplayıb mətbuat konfransı keçiriblər. Sənətçilər mayın 26-da Heydər Əliyev Sarayında  skalioz xəstəliyindən əziyyət çəkən Nübar və Leyla Rəsulovaların müalicəsi üçün hazırlaşdıqları xeyriyyə konsertindən bəhs ediblər. Konsert prodüser Tarix Əliyev və “Məlahətli ana” ictimai birliyinin təşəbbüsü ilə gerçəkləşəcək. “Ömür yarıda qalmasın” şüarı ilə keçiriləcək tədbirdən əldə olunan gəlir məhz bu balalar üçün sərf olunacaq. Konsertə gələcək olan tamaşaçılar, Elton və Sevda sizə yeni mahnılar vəd edir. Müğənnilər hətta kamera önündə kiçik bir parça da ifa ediblər.

 

Sevda Məmmədova

Sərvər Mehdiyev

Çingiz Abdullayev

 

Muz-Tv.az