Kərim Abbasov heyranları ilə görüşəcək

Müğənni Kərim Abbasov sevənləri ilə görüşəcək.  Axşam.az-ın məlumatına görə, sənətçi bu haqda İnstaqram səhifəsində yazıb. 

    Müğənni Kərim Abbasov sevənləri ilə görüşəcək.  Axşam.az-ın məlumatına görə, sənətçi bu haqda İnstaqram səhifəsində yazıb. O, görüşün mayın 20-də baş tutacağını bildirib: “Hər zamanımda yanımda olan, sənətimə və özümə dəyər verən sevənlərim, hər dəfə sizinlə görüşmək istəyirəm deyəndə, ortaya bir problem çıxırdı. Üzürlü sayın. Amma indi bütün sevənlərimi bir araya toplayıb, dərdləşəcəm, sevincimi bölüşəcəm. Mayın 20-də saat 16:00-da Sahil metrostansiyasının yaxınlığında yerləşən restoranların birində hamını gözləyirəm”.

    Yeni evlənmiş müğənni Elvin Abdullayev avtomobilini təzələyib. Sənətçi “Dodge Durango” markalı maşın üçün 50 min manat ödəyib. Avtomobili dəyişməyi çoxdan arzuladığını deyən Elvin təəssüratlarını bölüşüb: “Maşınım köhnəlmişdi. Çoxdandır, dəyişmək istəyirdim. Əslində ağlımda başqa bir avtomobil var idi. Amma alanda fikrimi dəyişdim, bunu götürdüm. Peşman da deyiləm”.

    Mayın 24-də Azərbaycanın əməkdar artisti Sevda Ələkbərzadə özünə təmtəraqlı toy çaldıracaq.  Cənubi Azərbaycandan olan iş adamına ərə gedəcək müğənni, həyatının bu xoş gününü sona qədər mediadan gizli saxlaya bilməyib. Məlumat üçün bildirək ki, xanım Ələkbərzadənin toyu Bakıdakı otellərin birində baş tutacaq.

    Bəstəkar Pərviz Mahmudovun daha bir mahnısının remiks versiyası dinləyicilərin ixtiyarına verilib.  Müğənni Günay İbrahimlinin ifa etdiyi “Ola bilərdin” mahnısının orijinal versiyası tez bir zamanda populyarlıq qazanıb. Sözləri Leyli-Erol İsrafilovaya məxsus mahnını Fərdi İman aranjiman edib. Pərviz Mahmudov kompozisiyanın remiks versiyasının da seviləcəyini bildirib.

 

Sahilə Aslanova                                   

 

Muz-Tv.az